Хаартыска: сахагоф-тан
Федерация Сэбиэтигэр Саха сирин парламеныттан сенатор Сахамин Афанасьев саныырынан, Арассыыйа Бэрэсидьиэнин Владимир Путин быһа лииньийэтэ сүҥкэн суолталаах – дьону түмэр.
Бэлиитик бэйэтэ сыл аайы көрөр, оттон норуот уонна судаарыстыба баһылыгын икки ардыларыгар чиэһинэйдик ыытыллар үгэс буолбут халыып дьоҥҥо олус наадалаах.
“Бу Арассыыйа Бэрэсидьиэнин кытта быһаччы кэпсэтэр, бары эрэгийиэннэртэн, төһө ыраах олороллоруттан тутулуга суох нэһилиэнньэлээх пууннартан ыйытыы биэрэр, санааларын иһитиннэрэр улахан кыах дии саныыбын. Ол аата биһиги бары күүстээх уонна бэйэтигэр бигэ эрэллээх бас-көс киһини кытта биир дойдуга олорорбутун билинэбит”.
Сахамин Афанасьев Арассыыйа Бэрэсидьиэнин кытта быһа лииньийэ эрэгийиэннэргэ социальнай-экэнэмиичэскэй сайдыыга быһаарылла илик боппуруостарын ураты суолталаах оҥорорго кыаҕы биэрэрин бэлиэтээтэ: “Сороҕор биһиги эбэтэр Уһук Илиҥҥэ ыалларбыт ханнык түмүктэри ситиһэрбитин, ханнык киэҥ хабааннаах бырайыактары олоххо киллэрэрбитин болҕойбокко хаалааччыбыт. Дьэ, быһа лииньийэ бу түгэннэри чопчулуур”.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…