Саайана Львова хаартыската
Сэттис ыҥырыылаах Ил Түмэн иккис пленарнай мунньаҕар дьокутааттар кистэлэҥ куоластааһыннарынан Арассыыйа Федерациятыгар сенаторынан Сахамин Афанасьев талылынна. Кини тута саҥа үлэтин туһунан бу курдук кэпсээтэ:
— Миигин бүгүн норуот дьокутааттара Арассыыйа Федерациятын сенаторынан таллылар. Бу миэхэ саҥа хайысха буолар, ханнык кэмитиэккэ киирэрбин саҥа билсэн эрэбин. Кэлэр нэдиэлэҕэ Москваҕа тиийэммин ханнык хайысхаҕа үлэлиирбин дьэ билиэм. Үгүстэр онно тугу үлэлиигин диэн ыйыталлар. Ааспыт сылга Саха Өрөспүүбүлүкэтин кэлэр кэмҥэ сайдыытын кэскиллээх хайысхаларын туһунан уураах ылыллыбыта. Бу хайысхаларынан ыытыллыахтаах тэрээһиннэр олоххо киириилэрин хонтуруоллаһыам. Федеральнай Бырабыыталыстыбаны, министиэристибэлэри, о.д.а. биэдэмэстибэлэри кытары үлэлииргэ бэлэммин. Саха Өрөспүүбүлүкэтин Бырабыыталыстыбатын, Ил Түмэн туруорсар боппуруостарын ситимнииргэ сүрүннээн үлэлиэм.
Мин Халыма-Индигиир уокуругуттан дьокутаатынан талыллыбытым. Абый, Муома, Өймөкөөн, Үөһээ Халыма, Орто Халыма дьоно-сэргэтэ миигин итэҕэйэн, өйөөн талбыттара, кинилэр билигин бэйэлэрэ сенаторданнылар. Дьоммор-сэргэбэр туруорбут боппуруостаргытын Арассыыйа таһымыгар үлэлээн туруорсуом диэн мэктиэлиибин. Эһигини кытары ситиммин быспаппын, уопсастыбаннай көмөлөһөөччүлэри анааммын үлэлэһиэм.
Норуот дьокутааттарыгар уонна быыбардааччыларбар улахан махталбын тиэрдэбин.
https://t.me/edersaas20/28260
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…