Хаартыска: Ил Түмэн пресс-сулууспата
РФ сенатора Сахамин Афанасьев Ил Дархан Айсен Николаев Ил Түмэҥҥэ туһаайан этиитин сүрүн түгэннэриттэн санаатын үллэһиннэ.
Сенатор бэлиэтээбитинэн, Айсен Николаев этиитэ биһиги дойдубут аныгы ыҥырыыларыгар уонна соруктарыгар сөп түбэһэр.
«Айсен Сергеевич Ил Түмэҥҥэ туһаайан этиитиэр социальнай уонна экэнэмиичэскэй хайысхаларга тохтоото. Олортон сүрүн соруга – байыаннай сулууспалаахтар социальнай адаптацияларыгар үлэ бары хайысхаларынан күүһүрүөхтээх. Бары кыһамньыбытын холбоон, кинилэри өйүөххэ уонна кыһалҕаларын быһаарыахха наада», — диэн парламентарий бэлиэтээтэ. Итини кытта оҕолоох дьиэ кэргэттэри өйөөһүҥҥэ улахан суолталаах этиилэр туруорулуннулар, кинилэр бигэ туруктаах буолуулара сайдыахтаах, үүнүөхтээх диэн Сахамин Миланович эбэн эттэ.
«Аҕыйах хонуктааҕыта бэлиэтээн эттэххэ, «Биир ньыгыл Арассыыйа» баартыйа ХХІ сийиэһигэр Владимир Путин «Время Героев» федеральнай бырайыагы кэҥэтэргэ этии киллэрбитэ уонна, бүгүн, Айсен Сергеевич 2025 сыл саҕаланыаҕыттан инновационнай менеджмент Үрдүкү оскуолатын баазатыгар «Время Героев» өрөспүүбүлүкэтээҕи каадыр бырагырааматын тэрийэргэ сорудахтаата», — диэн Сахамин Афанасьевич санаатын үллэһиннэ.
Сенатор этэринэн, Ил Дархан көҕүлээһиннэрэ – инникигэ чопчу быһаарыылар. 2025 сыл Саха сиригэр Ийэ дойдуну көмүскээччи сылынан биллэриллиннэ.«Айсен Сергеевич туруорбут бары соруктара толоруллуохтара диэн эрэнэбин», — диэн кини түмүктээтэ. Ил Түмэн пресс-сулууспата
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…