Хаартыска: sakha.gov.ru
Федерация Сэбиэтин федеративнай тутулга, эрэгийиэн бэлиитикэтигэр, олохтоох салайыныыга кэмитиэтин уонна Хоту дойду дьыалаларын бэрэссэдээтэлин солбуйааччы Сахамин Афанасьев Миграция бэлиитикэтин саҥардыллыбыт Кэнсиэпсийэтигэр туох саҥаны киллэрбиттэрин билиһиннэрдэ.
— Сахамин Миланович, 2025 сыл алтынньы 15 күнүгэр Арассыыйа Бэрэсидьиэнэ Владимир Путин 2026-2030 сылларга миграция бэлиитикэтин Кэнсиэпсийэтин бигэргэтэр ыйааҕы таһаарда. Бу туох соруктааҕый?
— Бу кэнсиэпсийэ миграцияны сүрүннүүр тоҕус салаалаах. Сүрүн сыала – экэниэмикэ үлэ ресурсаларыгар наадыйыытын икки ардытыгар балаансаны, национальнай куттал суох буолуутун уонна социальнай туруктаах буолууну хааччыйыы. Онон 2030 сылга маннык сыалы ситиһиэхтээхпит: Арассыыйаҕа көҥүлэ суох сылдьар тас дойду дьонун ахсаана аччыахтаах; миграннар ортолоругар административнай быраабы кэһии, буруйу оҥоруу кыччыахтаах; миграннар дьиэ кэргэттэригэр үлэтэ суох уонна үөрэммэт дьиэ кэргэн чилиэнин ахсаана аҕыйыахтаах; Арассыыйа үрдүк үөрэх кыһаларыгар тас дойду устудьуоннарын ахсаана элбиэхтээх.
Ону тэҥэ ДНР, ЛНР, Запорожскай уонна Херсонскай уобаластартан дьиэлэрин кыһалҕаттан быраҕан барбыттар төннүүлэрин усулуобуйатын тэрийии соруга сурулунна.
— Бу Кэнсиэпсийэ чэрчитинэн туох тэрээһиннэр ыытыллыахтарай?
— 2026-2030 сыллардааҕы Кэнсиэпсийэ булгуччулаах биометрияны, миграннарга эксээмэни, цифровой профилы, көҥүлэ суох үлэлээһини аччатыыны киллэрэр. Миграннарга цифровой учуот олохтонуоҕа. Ол курдук, цифровой профилыгар ханна үлэлиирэ, олороро, нолуога, кэһиилэрэ, көһүүтэ барыта киириэҕэ. Уонна бу барыта ИДьМ көстүөҕэ.
Ону тэҥэ Арассыыйаҕа кэлиэхтэрин иннинэ тас дойду үлэһитин бэлэмнээһин систиэмэтэ олохтонуоҕа. Кэнсиэпсийэҕэ тас дойду дьонун үлэҕэ ылааччыларга ирдэбил күүһүрүөҕэ. Үлэни биэрээччилэртэн тас дойдуттан кэлбит үлэһиттэргэ быраап уонна социальнай өттүнэн арыаллааһыны тэрийиилэрэ ирдэниэҕэ.
Галина Иванова
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…