пресс-сулууспа
Федерация Сэбиэтигэр Арассыыйа миграцияҕа судаарыстыбаннай бэлиитикэтин сокуон өттүнэн хааччыйыыга анаммыт “төгүрүк остуол” ыытылынна. “Төгүрүк остуолу” Федерация Сэбиэтин конституция сокуоннаһыгар уонна судаарыстыбаннай тутулга кэмитиэтин чилиэнэ Руслан Смашнев салайда.
Сүбэ мунньахха Федерация Сэбиэтин сенатордара, Арассыыйа ИДьМ миграция боппуруостарыгар кылаабынай управлениетын начаалынньыга Валентина Казакова, РФ Киһи быраабыгар боломуочунайын аппараатын норуоттар икки ардыларынааҕы управлениета уо.д.а. кытыннылар.
Арассыыйа Федерациятын сенатора Сахамин Афанасьев “төгүрүк остуолга” туох туһунан кэпсэппиттэрин туһунан кылгастык маннык эттэ:
— Дойду Бэрэсидьиэнэ Владимир Путин быйыл саас Арассыыйа ИДьМ киэҥ ыҥырыылаах мунньаҕар сокуону кэһэн киирэр миграция ханаалларын тохтоторго, миграция аныгы хонтуруолун туһанарга эппитэ. Сүрүн хайысхалартан биирдэстэринэн миграннары авторизациялааһын электроннай ньымаларыгар көһүү буолуохтааҕа ыйыллыбыта. Арассыыйа Бэрэсидьиэнэ ону тэҥэ тас дойдуга олорор биир дойдулаахтарбыт көһүүлэригэр баар миэрэлэрин кэҥэтии туһунан эппитэ. Бу дойдуларыгар олоруохтарын, үлэлиэхтэрин баҕалаахтарга сыһыаннаах. Биллэрин курдук, быйыл 2025 сылга 2019-2025 сыларга РФ миграционнай судаарыстыбаннай бэлиитикэтин кэнсиэпсийэтин дьайыыта тохтуохтаах. Онон бары ыйыллыбыт көҕүлээһиннэр саҥа кэнсиэпсийэҕэ киириэхтэрэ.
Маны тэҥэ нормативнай быраап аакталарын федеральнай порталыгар РФ Бэрэсидьиэнин “О Стратегии государственной национальной политики Российской Федерации на период до 2036 года” Ыйааҕын бырайыага таҕыста.
В.Л. Казакова төгүрүк остуолга бэлиэтээбитинэн, атын биэдэмистибэлэрдиин тустаах сулууспа тас дойдулартан кэлбит үлэһит күүһү нобуордааһын ньыматын туһаныахтара.
2025 сыл муус устарга Арассыыйаҕа тас дойдулартан кэлбит дьону регистрациялааһын уонна гражданство боппуруостарыгар сулууспата тэриллибитэ.
Бу омук гражданнарыгар сим-каартаны билигин биометриянан эрэ биэриэхтэрэ. Ону тэҥэ биир киһи 10 сим-каартаны эрэ регистрациялыыр кыахтааҕа быһаарылынна. Маны тэҥэ бу сыл тохсунньу 1 күнүттэн Арассыыйа Федерациятыгар визаны ылара ирдэммэт көрүҥүнэн кэлбит тас дойду гражданина быстах кэмҥэ сылдьыытын болдьоҕо аччаата. Миграннар оҕолорун нуучча тылын билиилэрин тургутуута суох оскуолаҕа ылыахтара суоҕа.
Парламентарийдар үлэ дуогабарын биир сылга эрэ түһэрсэргэ этии киллэрэллэр. Кылгастык эттэххэ, бу курдук киэҥ өрүттээх кэпсэтии буолла.
Лана Александрова.
Федерация Сэбиэтин пресс-сулууспатын хаартыската
Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…
Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…