Ил Дархан, бырабыыталыстыба дьаһалтатын пресс-сулууспата.
Бэҕэһээ Кириэмил Улахан дыбарыаһын Андреевскай саалатыгар бэрэсидьиэн солотугар киириитин сиэрэ-туома буолла. Саха сириттэн Ил Дархан Айсен Николаев, «Общероссийский народный фронт» салаатын исполкомун салайааччы Валерий Лютай, Буойуннар дьиэ кэргэттэрин кэмитиэтин чилиэнэ, ДНӨ тирэх пуунун волонтера Марина Бахилина, РФ сенатордара Егор Борисов, Сахамин Афанасьев, Госдуума дьокутааттара сырыттылар.
— Аан дойдуга, Арассыыйаҕа, Саха сиригэр устуоруйаҕа киирэр улахан түгэн буолла. Инаугурация кэмигэр мин дойдубунан киэн туттуум, бэрэсидьиэммитин кытта дойдубут инникитигэр эрэлим күүһүрдэ. Биир дойдулаахтарбытыгар бэрэсидьиэн быыбарыгар өйөбүлгүт иһин махтаныахпын баҕарабын, — диэн Сахамин Афанасьев эттэ. Бэрэсидьиэн Владимир Путин этиитин мустубут дьон эрэ буолбакка, бүтүн аан дойду чуумпуран иһиттэ.
«Бэрэсидьиэн норуокка сулууспалыыр ытык иэстээх, ол иһин судаарыстыба бигэ туругун уонна норуоттарын харыстааһынын үрдүктүк тутуллар. Арассыыйа дьылҕатын, билиҥҥи уонна инники көлүөнэлэрин дьылҕаларын биһиги эрэ быһаарабыт. Онон бары биир сомоҕо буолан, сайдыы суолун таба тутан, бэйэбит сыаннастарбытын, көҥүлбүтүн күөмчүлэтиэ суохтаахпыт.
Арассыыйа эрэгийиэннэригэр билигин өр сыллаах былааннар, баараҕай бырайыактар былааҥҥа тураллар. Биһиги биир улуу норуот буолабыт уонна туох баар ыарахаттары туораан, санаабыппытын олоххо киллэриэхпит. Бары бииргэ кыайыахпыт!», — диэн Владимир Путин эттэ.
Ил Дархан, Бырабыыталыстыба дьаһалтатын пресс-сулууспата.
Күн-дьыл билгэтэ. Быйыл кыһын сылгы сотору-сотору хахсыйарын, эбэтэр ойуурга киргил торулуурун иһиттиҥ дуо? Хатааһыннаах саас…
Ил Дархан Айсен Николаев Арассыыйа Наукаларын Академиятын бэрэсидьиэнэ Геннадий Красниковы кытта көрүстэ. Көрсүһүүгэ РНА вице-бэрэсидьиэнэ…
Нам улууһугар Аппааныга дьон-сэргэ доруобуйатын тупсарынарыгар, чэгиэн, чөл буоларыгар, толкуйдуур дьоҕурун сайыннарарыгар үлэ тиһиктээхтик ыытыллар.…
Бу бырагырааманы үбүлээһин үс хайысханан оҥоһуллар: федеральнай, Саха Өрөспүүбүлүкэтин судаарыстыбаннай уонна муниципальнай тэриллиилэр олохтоох бүддьүөттэриттэн.…
Аныгы технологиялаах "Смарт" бибилэтиэкэҕэ робот-бибилэтиэкэр баар буолла. Робот сахалыы саҥарар, дорооболоһор, төбөтүн имэрийдэххэ, манньыйан хараҕын…
Бу күннэргэ күн-дьыл туруга хайдах эбитий? Күнү-дьылы кэтээн көрөөччүлэр туох дииллэрий? Хотугулуу-илин намыһах сирдэргэ -48-53°,…