Сахамин Афанасьев оҕо лааҕырдарыгар сырытта

Share

Федерация Сэбиэтин  эрэгийиэннээҕи бэлиитикэҕэ, олохтоох бэйэни салайыныыга уонна Хотугу сир дьыалаларыгар  кэмитиэтин  чилиэнэ, СӨ судаарыстыбаннай былааһын сокуону оҥорор уорганын бэрэстэбиитэлэ Сахамин Афанасьев  Дьокуускай куорат таһыгар баар оҕо сайыҥҥы лааҕырдарыгар сырытта.

Бэлиэтээн эттэххэ, оҕо сынньалаҥын уонна доруобуйатын чэбдигирдиини тэрийии Федерация Сэбиэтин биир сүрүн соругунан буолар. Бу боппуруоһу Федерация сэбиэтин бэрэссэдээтэлэ Валентина Матвиенко тус хонтуруолугар ылбыта. Кини этиитинэн,  сенатордар  эрэгийиэннэргэ оҕо лааҕырдарын инфраструктуратын мониториныгар кытталлар.

Сенатор Арктика норуоттар икки ардыларынааҕы оскуолатын базатыгар үлэлиир үөрэтэр-чэбдигирдэр  лааҕырга сылдьан, оҕолору кытары сэһэргэстэ. Манна өрөспүүбүлүкэ араас улуустарыттан, ол иһигэр Арктика эрэгийиэннэриттэн уонна Дьокуускай куораттан, 80-ча оҕо сайыҥҥы уһун өрөбүлүн атаарар.  Кинилэр тупсаҕай усулуобуйаҕа сылдьан бэйэлэрэ талан ылбыт омуктарын тылын үөрэтэллэр, успуорт араас көрүҥүнэн дьарыктаналлар уонна бассейҥҥа сөтүөлээн, доруобуйаларын бөҕөргөтөллөр.

Сахамин Миланович ону сэргэ Саха сирин уруккуттан баар лааҕырдарыттан биирдэстэригэр – “Энергетик”  лааҕырга сырытта. Бу лааҕырга “Эдэр дьоруойдар кэмнэрэ” симиэнэҕэ байыаннай-патриотическай иитиини ааһаллар. Сенаторга өрөспүүбүлүкэ бары улуустарыттан кэлбит 250 оҕо  патриотическай, успуорт уонна айар тэрээһиннэрин билиһиннэрдилэр.

«Лааҕыр бырагыраамата толору ис хоһоонноох. Оҕолор олус астыннылар, санааларын үөрэ-көтө үллэһиннилэр, ыйытыктары биэрдилэр, патриотизмҥа уонна төрөөбүт дойдуга  тапталга аналлаах  ырыалары толордулар, үҥкүүлээтилэр”, — диэн сенатор кэпсээтэ.

Кини салгыы обургу оҕолор күнүс сылдьар  “Хотугу сулус” байыаннай-патриотическай кулууптарын уонна  «Страйкбол Якутии» үлэлэрин билистэ. Патриотическай лааҕыр иитиллээччилэрэ туохха үөрэммиттэрин көрдөрдүлэр.

«Лааҕырдарга сылдьан уонна  оҕолору кытары кэпсэтэн баран, олус астынным. Бастатан туран, оҕолор үөрбүт сирэйдэриттэн сүргэм көтөҕүлүннэ. Оҕолор сайыҥҥы симиэнэлэрин үрдүк таһымнаах педагогтар уонна исписэлиистэр тэрийдилэр, оҕолор сынньалаҥнарын сөптөөх таһымҥа тэрийбиттэр” – диэн сенатор түмүктээн эттэ.

Лана АЛЕКСАНДРОВА

Recent Posts

  • Сонуннар
  • Чэгиэн

Ыарыыны сыһыаралларыгар сөбүлэһэр курдук…

Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…

1 час ago
  • Сонуннар
  • Уопсастыба

Саха гимназиятыгар «Дьокуускай — Донецкай» телемост буолла

Бүгүн, атырдьах ыйын 30 күнүгэр,  Дьокуускай куоракка Саха гимназиятыгар  уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…

2 часа ago
  • Сонуннар
  • Уопсастыба

Өймөкөөн Сордоҥнооҕор «Быйаҥ» оҕо лааҕырыгар оҕону үлэнэн иитэллэр

Өймөкөөн улууһун Сордоҥноох нэһилиэгин олохтоохторо Марта уонна Михаил Винокуровтар сайыҥҥы кэмҥэ оҕону үлэҕэ сыһыаран үлэ…

2 часа ago
  • Байыаннай эпэрээссийэ
  • Интервью
  • Сонуннар

Саха сирин “бирилийээниттэн” атыннык ааттаабаттара…

"Карат” диэн ыҥырыллар ааттаах, төрөөбүт Сахатын сиригэр “Е. Николаевна” диэн ытыктабыллаахтык ааттанар кэрэ аҥаар 2001 сылтан…

3 часа ago
  • Сонуннар
  • Уопсастыба

Балаҕан ыйын 1 күнүттэн потребительскай кирэдьиити ыларга уларыйыылар киирэллэр

2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга…

4 часа ago
  • Быһылаан
  • Сонуннар
  • Уопсастыба

Түүҥҥү кэмҥэ көрүүтэ суох сылдьар оҕолор булулуннулар

Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын  уонна буруйу оҥорууларын сэрэтэр систиэмэ…

4 часа ago