Хаартыска: SakhaGov
Саха сирин бырабыыталыстыбата уонна “Саханефть” ХЭО эрэгийиэн социальнай-экэнэмиичэскэй сайдыытын эйгэтигэр бииргэ үлэлиир туһунан дуогабар түһэристилэр.
Сөбүлэһии чэрчитинэн, хампаанньа Үүнэр көлүөнэ тус сыаллаах пуондатыгар Ньурба куоракка бассейннаах физкултуура-чэбдигирдэр комплексын тутууга үбү-харчыны биэриэҕэ.
«Сөбүлэһии быһыытынан, хампаанньа Үүнэр көлүөнэ тус сыаллаах пуондатыгар уонна СӨ Инновация сайдыытын пуондатыгар биэрэр үбэ социальнай уонна инновация бырайыактарын олоххо киллэриигэ туһуланыахтара. Хампаанньа өрөспүүбүлүкэҕэ улахан суолталаах бырайыактары өйүүргэ бэлэмигэр махтанабын. Холбоһуктаах үлэ Саха сирин дьонун олоҕун хаачыстыбатын үрдэтэргэ кылааты киллэрэригэр эрэллээхпин”, — диэн Айсен Николаев сөбүлэһии туһунан бэйэтин ТГ-ханаалыгар иһитиннэрдэ.
Ону сэргэ үбүнэн өйөбүлү инновация сайдыытын өрөспүүбүлүкэтээҕи пуондата ылыаҕа. Үбү-харчыны кэккэ бырайыактары үбүлээһиҥҥэ ыытыахтара. Олор ортолоругар Ленскэй-Өлүөхүмэ магистральнай волоконнай-оптическай лииньийэтин тутуу, Тооку kids сыһыарыыны оҥоруу, информационнай технологиялар, ускуустубаннай интеллект эйгэлэригэр бырайыактары олоххо киллэрии уо.д.а. киирэллэр. Сөбүлэһии 2027 сыл ахсынньы 31 күнүгэр диэри үлэлиир.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…