«Саханефтегазсбыт» АХ Чокуурдааҕы нефтебазатыгар баһаарынай-тактическай үөрэхтэр ыытылыннылар

Муус устар 22 күнүгэр «Саханефтегазсбыт» АХ Чокуурдаах нефтебазатын территориятыгар баһаарынай-тактическай үөрэх буолла. Үөрэх бигэргэтиллибит методическай былаан быһыытынан «Саханефтегазсбыт» АХ Саха сиринээҕи ЫБММ улууспатын уонна Аллайыахатааҕы управлениетын баһаарынай-быыһыыр гарнизонун салалтатынан тактическай үөрэтиини ыытыы методическай-кыраапыгынан барда.

Үөрэх сценарийынан, бааза территориятыгар саахалланар быһыы-майгы түбэлтэтэ үөскэтиллибитэ — РВС- 1000 8 №- дээх ньиэп резервуардарын алдьанан ньиэп тохтубута, баһаар тахсыбыта. Нефтебааза үлэһиттэрэ баһаар тахсыбытын суһаллык көрөннөр, уот тарҕаныытын тохтотор уонна эвакуациялааһыны ыытар дьаһаллары ылынан, баһаарынай сулууспаҕа биллэрбиттэрэ.

Иһитиннэрии «Аллайыаха улууһа (оройуона)» муниципальнай тэриллии СӨ баһаарынай сулууспатыгар киирбитэ. Быһылаан тахсыбыт сиригэр өссө эбии Чокуурдаах бөһүөлэгин авиационнай-быыһыыр сулууспа анал чааһын быыһааччылара тиийбиттэрэ. Онон холбоһуктаах күүһүнэн уоту умуруоруу уонна саахал содулларын тохтотуллубута.

Үөрэх түмүгүнэн СӨ баһаарынай сулууспатын баһаарынай чааһын начаалынньыга Владислав Аржаков «Аллайыаха улууһа (оройуона)» МТ көмөтүнэн личнэй састааптара бэлэмнээхтэрэ үрдүк таһымнаахтарын бэлиэтээтэ. Ыытыллыбыт үөрэх ЫБМ тахсыытыгар сулууспа суһаллык уонна көдьүүстээхтик көмөлөһөргө бэлэмин бигэргэттэ.

Маннык эрчиллиилэр дьаһаллары утумнаахтык ыытыыга, эбийиэктэргэ куттала суох буолуу тиһигин тэрийиигэ уонна анал үөрэҕи тупсарарга кыаҕы биэрэр.
Үөрэх чааһа эрэгийиэн оттук-энергетическэй комплексын инфраструктуратын Саха сиригэр ньиэп-гаас хааччыйыытыгар туһуламмыт дьаһаллар комплекстарынан буолаллар.

«Саханефтегазсбыт» АХ Чокуурдааҕы нефтебаазатын баһаарынай куттала суох буолуутун кылаабынай исписэлииһэ Василий Андреев