Иван Ульдин хаартыската
От ыйын 25 күнүгэр бастакы «Дьааҥы» уонна «Тиксии» диэн ньиэп танкердара «Саханефтегазсбыт» АУо «Аллараа Дьааҥытааҕы ньиэп базата» филиалыгар дизельнэй уматыгы тиксэрдилэр.
«Саханефтегазсбыт» АУо генеральнай дириэктэрэ, норуот дьокутаата Виктор Лебедев иһитиннэрбитинэн, быйылгы арктикатааҕы навигация чэрчитинэн тэрилтэ бэйэтин филиалларыгар 15,8 тыһ. туонна кэриҥэ уматыгы тиксэрэри былаанныыр. Ону таһынан, ньиэп баазалара ресурсанан хааччыйар тэрилтэлэргэ анаан 100-тэн тахса тыһыынча туонна уопсай кээмэйдээх ньиэби тутуохтара.
«2024 сыллаахха Нижнеянскай ньиэп баазатыгар дожимной ыстаансыйа үлэҕэ киирбитинэн, ньиэби тутар кэм биллэ кылгаата, ону тэҥэ ааллар Дьааҥы өрүскэ өр турууларыттан үөскүүр куттал намтаата. Бу кылгас навигация кэмигэр ордук суолталаах», — диэн Нижнеянскай ньиэп баазатын дириэктэрэ Иван Ульдин бэлиэтээтэ.
Ньиэби тутууну кытта тэҥҥэ филиалга резервуарнай пааркаҕа өрөмүөн үлэтэ ыытыллар. Виктор Лебедев быһаарбытынан, уматыгы уу тырааныспарынан тиэйии логистическай схемата хас да түһүмэхтэн турар. Ньиэп Архангельскайдааҕы байҕал пуордуттан, Хотугу байҕал суолунан Дьааҥы, Индигиир уонна Халыма өрүстэр төрдүлэригэр диэри тиэрдиллэр. Бу түһүмэххэ улахан тоннажтаах байҕал ааллара үлэлииллэр. Тиийэргэ уустук оройуоннарга уматыгы тиксэрэргэ «өрүс-муора» кылаастаах аалларга уонна анал баржа-буксир састааптарыгар көһөрөн тиэйии ньымата туттуллар. Маннык ньыма улахан тоннажтаах флотка сылдьар кыаҕа суох чычаас уулаах сирдэринэн көдьүүстээхтик сылдьарга кыах биэрэр.
Яна Байгожаева.
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…