Иван Ульдин хаартыскаҕа түһэриитэ
«Саханефтегазсбыт» АУо Арктика улуустарынан Хотугу байҕал суолунан тиэйиллэр ньиэби былааннаммыт кээмэйин 100% толорон, 15 782 туоннаны тиэйэн ыытта.
2025 сыл атырдьах ыйын 27 күнүнээҕи туругунан, тэрилтэ филиалларыгар 112 528 туонна ньиэп тиэйилиннэ. Анаан-минээн тиийиэхтээх сирдэригэр уу суолунан 103 905 туонна уматык тиэрдилиннэ, онтон 10 909 туонната – хотугу ньиэп баазаларыгар, оттон ордуга айаннаан иһэр.
«Быйыл Арктикатааҕы навигация үгэс курдук Лаптевтар байҕалыгар муус хамсааһына бүппүтүн кэннэ, от ыйын бүтүүтэ саҕаланна. Ол курдук, от ыйын 25 күнүгэр уматык бастакы баартыйата танкердарынан биһиги филиалбытыгар – Дьааҥытааҕы ньиэп баазатыгар тиэрдиллибитэ», — диэн кэпсээтэ «Саханефтегазсбыт» АУо генеральнай дириэктэрэ, норуот дьокутаата Виктор Лебедев.
Ньиэби тиэрдии – элбэх үлэлээх уонна хас да түһүмэҕинэн барар уустук бырассыас буолар. Бастаан ньиэп Дьааҥы өрүһүнэн Дьааҥытааҕы ньиэп баазатыгар тиэрдиллэр. Онтон кыра кээмэйдээх аалларынан Уус-Куйгатааҕы ньиэп баазатыгар. Салгыы, байҕал танкера байҕалынан Халыма өрүс төрдүгэр тиийэр, онтон өрүс-байҕал кылаастаах танкердарынан Аллараа Халыматааҕы ньиэп баазатыгар, онтон кыра аалларынан уматык Орто Халыматааҕы уонна Зырянкатааҕы ньиэп баазаларыгар тиэрдиллэр.
«2025 сыллаахха Арассыыйа Хотугу байҕал суолун баһылааһын саҕаламмыта 500 сылын бэлиэтиир уонна биһиги, «Саханефтегазсбыт» АУо кэлэктиибэ, бу курдук стратегическай суолталаах уу маршрутун сайдыытыгар бэйэбит кылааппытын киллэрэрбититтэн киэн туттабыт», — диэн Виктор Лебедев бэлиэтээтэ.
Яна Байгожаева, «Саханефтегазсбыт» АУо пресс-сэкирэтээрэ
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…