"Саханефтегазсбыт" АУо
Бу күннэргэ «Саханефтегазсбыт» АУо управлениетыгар тус сыаллаах (целевой) үөрэх бырагырааматынан үөрэххэ киирбит абитуриеннары кытта көрсүһүү буолла.
Өрөспүүбүлүкэ биир стратегическай тэрилтэтин кытта өр кэмнээх бииргэ үлэлээһин саҕаланыытын бэлиэтиир сүрүн тэрээһин чэрчитинэн, хампаанньа үлэһиттэрэ оҕолорго уонна кинилэр төрөппүттэригэр «Саханефтегазсбыт» АУо үлэтин-хамнаһын кытта билиһиннэрдилэр.
«Саханефтегазсбыт» АУо генеральнай дириэктэрэ, СӨ норуотун дьокутаата Виктор Лебедев тус сыаллаах үөрэх бырагырааматынан үөрэнэр устудьуоннар, хампаанньа хамаанда састаабыгар киирэллэрин уонна үөрэхтэрин бүтэрдэхтэринэ, кинилэр билиилэрэ-көрүүлэрэ хайаан да улахан туһаны аҕаларын бэлиэтээтэ.
Дьокуускайдааҕы нефтебаза филиалын дириэктэрэ Денис Чуев «Саханефегазсбыт» өрөспүүбүлүкэ уматык-энергетическэй тиһигин сайдыытыгар улахан оруоллааҕын этэн туран: «Устудьуоннуу сылдьан производствоҕа идэтийиини ааһар ордук», — диэн оҕолорго тоһоҕолоон эттэ.
«Эһиэхэ итэҕэйэбит уонна биһиги хамаандабытыгар кэлэргитин күүтэбит!», — диэн нефтебаза хаһаайыстыбатын техническэй сайдыыга уонна АЗС үлэлэтиигэ отделын начаалынньыгын солбуйааччы Армен Оганисян устудьуоннарга анаан эттэ.
Көрсүһүү түмүгэр абитуриеннар уһуйааччыларын кытта кэпсэтэн, интэриэһиргиир боппуруостарын биэрдилэр, санаа астастастылар. Оҕолор өйдөбүнньүк бэлэхтэри туттулар.
«Саханефтегазсбыт» АУо пресс-сэкирэтээрэ Яна Байгожаева
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…
Халлаан сылыйан оҕолор кыралаан былаһааккаларга оонньуур, салгын сиир буоллулар. Хаар ууллуута уһун кыһын устата тоҥон…
Олунньу 1 күнэ – дьыл (кыһын) оройо. Күһүҥҥү Бокуруоптан 110 хонук, оттон сааскы Ньукуолуҥҥа диэри…
Бу күнү Күн салайар. Ол иһин бүгүн үөрүү-көтүү, сылаас сыһыан, бэйэни көрдөрүү уонна айар кут…