2025 сыл алтынньы 2 күнүгэр “Саханефтегазсбыт” АУо Иркутскай уобалас Уус Кут куоратыттан ньиэп бородууктатынан Саха сирин киин оройуоннарын хаачыстыбалаах оттугунан хааччыйыыга быйылгы навигация кэмигэр тиэйиини түмүктээтэ.
“Бэҕэһээ Пеледуй бөһүөлэгэр тиэрдэргэ оттугу тиэйдибит, бу рейс быйылгы навигация хампаанньатын түмүктээтэ”, — диэтэ Ил Түмэн норуодунай дьокутаата Виктор Лебедев.
Тиэйиллибит ньиэп бородууктатын уопсай кээмэйэ 75465 туоннаҕа тэҥнэһэр. Таһаҕас бүттүүнэ Уус Куттааҕы ньиэп баазатыттан ыытылынна. Бүгүҥҥү туругунан ньиэп баазаларын филиалларыгар диэри 72798 туонна оттук тиэрдилиннэ, онтон ордуга айаннаан иһэр.
Арктика ньиэп баазаларыгар ньиэп бородууктатын тутуу салҕанар.
“Саханефтегазсбыт” оттугу тиэйиини сүүсс бырыһыаҥҥа толоруута өрөспүүбүлүкэҕэ стратегическай суолталаах. Ньиэп бородууктатын кэмигэр тиэрдии кыһыҥҥы кэмҥэ социальнай эбийиэктэри уонна тэрилтэлэри тохтобула суох үлэлэтиини хааччыйар.
Бу күннэргэ “Саханефтегазсбыт” АУо-ҕа Саха сирин АЗС уонна КАЗС суох ыарахан суоллаах-иистээх нэһилиэктэригэр таараламмыт ньиэп бородууктатын тиэрдиигэ сайаапкалары ылыы түмүктэнэр.
“Навигацияны түмүктээн баран, биһиги мууһунан сырыыны туһанан массыынанан оттугу тиэйиигэ бэлэмнэниини саҕалыахпыт. Оттугу кыһыҥҥы суолунан тохсунньуттан саҕалаан таһыахтара. Таһаҕаһы тиэйэргэ муус уйуктаах буоллаҕына, былааммытын эмиэ сүүс бырыһыан толорорго эрэллээхпит”, — диэтэ генеральнай дириэктэр.
Яна Байгожаева, “Саханефтегазсбыт” АУо пресс-сэкирэтээрэ
14 саастарын туола илик оҕолор Арассыыйаттан тахсалларыгар кыраныысса таһынааҕы пааспардаах буолаллара ирдэнэр -- 2026 сыл…
Аҕам саастаахтар күннэригэр Куокуй нэһилиэгэр аҕам саастаахтар декадалара үөрүүлээхтик арылынна. [gallery ids="245435,245436,245437,245438"] Баһылык Лев Павлов…
Күһүн кыстыкка киириигэ оҕо ыалдьыа суохтаах диэн этэллэр. Ол эрээри, субу оҕо саадыгар, оскуолаҕа киирээри…
Саха сиригэр номнуо X төгүлүн “Орто анал үөрэххэ Мисс уонна Мистер” күрэс ыытыллар. Сыллата таһыма…
ХНТ Генеральнай Ассамблеятын 80‑с сиэссийэтигэр үгэс быһыытынан аан дойду судаарыстыбаларын баһылыктара, бэрэстэбиитэллэрэ мустан, санааларын үллэһиннилэр,…
Бу күннэргэ интэриниэт ситимигэр эр киһи быраабы утары дьайыылары оҥоруох буоларын туһунан видео-устуу тарҕанна. Бу…