Хаартыска «Саханефтегазсбыт» пресс-сулууспатыттан
Алтынньы 20 күнүгэр бүтэһик танкер Дьокуускайдааҕы нефтебазаҕа ньиэп бородууктатын аҕалла, онон «Саханефтегазсбыт» тэрилтэ быйылгы навигацияны ситиһиилээхтик түмүктээтэ.
Уу суолунан 144299 туонна ньиэп бородууктата, итинтэн Хотугу муора суолунан Арктика улуустарыгар 22035 туонна тиэрдилиннэ. Ол иһигэр аара тохтуур Иркутскай уобалаһын Уус Кут куоратын нефтебазатыттан 122264 туонна аҕалылынна. «Саханефтегазсбыт» итини таһынан депонационнай саппааһын былаанын толордо, ол 13 310 туонна ньиэп бородууктата.
«Киин баан сүрүн ыстаапката хаста да үрдээн тэрилтэ кирэдьиитин төлүүрүгэр ыарахаттары көрүстэр даҕаны, оҥорон таһаарааччылар ньиэп бородууксуйатын атыылыыр сыаналарын үрдэттэллэр, хотугу өрүстэр ууларын таһыма түһэн кыһалҕаны үөскэттэллэр даҕаны, былааны 100% толордубут. Итиэннэ Саха сирин улуустарын нэһилиэнньэтин уонна тэрилтэлэрин үрдүк хаачыстыбалаах ньиэп бородууксуйатынан хааччыйдыбыт. Бу биһиги тэрилтэбит бары салааларын, бүтүн хамаанда тиһиктээх уонна түмсүүлээх үлэтин түмүгэ буолар», — диэн эттэ «Саханефтегазсбыт» АУо генеральнай дириэктэрэ, норуот дьокутаата Виктор Лебедев.
Билигин хампаанньа саамай уустук суоллаах-иистээх нэһилиэнньэлээх пууннарга ньиэп бородууктатын тиэрдии былаанын оҥоро сылдьар диэн «Саханефтегазсбыт» АУо пресс-сэкиритээрэ Яна Байгожаева иһитиннэрэр.
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…