Хаартыска: «Саханефтегазсбыт» АУо
«Саханефтегазсбыт» АУо филиалларыгар — Аллараа Бэстээххэ, Дьокуускайга уонна Аллараа Халымаҕа баар нефтебазаларга үрдүкү кылаас оҕолоругар профориентационнай экскурсиялар ыытыллаллар.
Дьокуускайдааҕы нефтебазаҕа киин куорат 10-с №-дээх оскуолатын, Аллараа Бэстээхтээҕигэ Мэҥэ Хаҥалас Хорообут, Тарат, Аллараа Халыматааҕыга Черскэй оскуолатын үрдүкү кылааһын үөрэнээччилэрэ сырыттылар.
Экскурсиялар кэмнэригэр, үөрэнээччилэр тэрилтэ үлэтин уратыларын, производственнай процесстары ис-иһиттэн көрдүлэр-иһиттилэр, ону тэҥэ исписэлиистэргэ интэриэһиргиир ыйытыыларын биэрдилэр.
Оскуола оҕолоро инфраструктура тутаах эбийиэктэригэр сырыттылар, онно тэрилтэ үлэһиттэрэ ньиэп бородууктатын харайыы уонна тиэйии технологическай туругун туһунан сиһилии кэпсээтилэр.
Үлэ куттала суох буолуутун боппуруостарыгар уонна производствоҕа туттуллар аныгы технологияларга ураты болҕомто уурулунна.
Экскурсияны тэрийээччилэр оскуола оҕолоро ньиэп-гаас салаатын идэлэрин интэриэһиргииллэрин бэлиэтээтилэр.
«Маннык тэрээһиннэр ыччаты инники идэлэрин талалларыгар улахан күүс-көмө буолаллар»,- диэн «Саханефтегазсбыт» АУо генеральнай дириэктэрэ, норуодунай дьокутаат Виктор Лебедев эттэ. Кини «Саханефтегазсбыт» хампаанньа өрөспүүбүлүкэҕэ каадырдары бэлэмнээһиҥҥэ дьоһун кылаатын киллэрэрин бэлиэтээтэ.
Яна Байгожаева, «Саханефтегазсбыт» АУо пресс-сэкирэтээрэ
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…
Халлаан сылыйан оҕолор кыралаан былаһааккаларга оонньуур, салгын сиир буоллулар. Хаар ууллуута уһун кыһын устата тоҥон…
Олунньу 1 күнэ – дьыл (кыһын) оройо. Күһүҥҥү Бокуруоптан 110 хонук, оттон сааскы Ньукуолуҥҥа диэри…
Бу күнү Күн салайар. Ол иһин бүгүн үөрүү-көтүү, сылаас сыһыан, бэйэни көрдөрүү уонна айар кут…