«Саханефтегазсбыт» АУо алтынньы 21 күнүттэн өрөспүүбүлүкэ сиригэр-уотугар дизель уматыгар сыананы 103 % -тан 113% диэри үрдэтэргэ быһаарда.
Маннык быһаарыы төрүөттэрин «Саханефтегазсбыт» генеральнай дириэктэрин экэниэмикэҕэ уонна үпкэ солбуйааччы Артем Васильевич Ничипоренко иһитиннэрбитинэн, хампаанньа ньиэп бородууктатын оҥорон таһаарааччы буолбатах. Уопсастыба өрөспүүбүлүкэ сиригэр-уотугар ньиэп бородууктатын ырыынак механизмнарыгар олоҕуран, атыылаһар уонна тириэрдэр. Оҥорон таһаарааччы собуоттар — «Газпром-Нефть» уонна «Роснефть» публичнай аахсыйалаах уопсастыбалар. Онуоха ньиэп бородууктатын оҥорон таһарааччылар сыаналара Санкт Петербурга аан дойдтааҕы Табаар-сырье биржатыгар олохтоноллор.
Артем Ничипоренко эппитинэн, «Саханефтегазсбыт» АУо устааптаах хапытаалын 100 бырыһыана өрөспүүбүлүкэ гиэнэ. «Саханефтегазсбыт» бородуукталарыгар розничнай сыана бүтэһигин бу сыл саҕаланыытыгар, тохсунньу 14 күнүгэр үрдээбитэ.
«Ырыынакка атыылаһыллар сыана биллэ үрдээбитин да иһин, биһиги урукку сыананы бүтэһиккэ диэри тута сатаатыбыт», – диэтэ генеральнай дириэктэри солбуйааччы.
Ол гынан баран, хомойуох иһин, ырыынак бэйэтин усулуобуйатын киллэрэр.
Төһө да баҕарбыппыт иһин, хампаанньа үпкэ туругар хоромньуну таһааран туран, ньиэп бородууктатын атыылаһыллар сыанатыттан намыһах сыанаҕа батарар кыахпыт суох. Өскөтүн сыананы салҕыы тутар буоллахпытына, содуллаах буолуон сөп. Ол аата, Саха сирин Арктика улуустарын олоҕун-дьаһаҕын хааччыйарга кутталы үөскэтиэхпитин сөп.
Санатан эттэххэ, «Саханефтегазсбыт» Арктика улуустарыгар ньиэп бородууктатынан хааччыйыыны мэктиэлиир соҕотох тэрилтэ уонна, быһаччы эбээһинэһин быһыытынан, өрөспүүбүлүкэ туһанааччыларын ньиэп бородууктатынан тиһигин быспакка хааччыйыахтаах.
Уопсастыба 19 ньиэп базатын, туһанааччылары, ол иһигэр, суһал сулууспалары, тиһигин быспакка хааччыйыахтаах. Навигацияны сэргэ ньиэп бородууктатын кыһыҥҥы суолунан, тимир суолунан сылы быһа тириэрдэллэр.
Яна БАЙГОЖАЕВА
Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…
Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…
Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…
Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".