«Саханефтегазсбыт» уматыгы кыһыҥҥы суолунан тиэйиини саҕалаата

«Саханефтегазсбыт» АУо Өлүөнэ уонна Алдан өрүстэринэн ньиэби массыынанан таһыыны саҕалаата.

«2026 сыл бастакы аҥаарыгар биһиги филиалларбытыгар массыынанан 22 000 туонна кэриҥэ ньиэби тиэрдэр былааннаахпыт. 2026 сыл тохсунньу 14 күнүнээҕи туругунан, 3290 туонна ыытылынна», — диэн иһитиннэрдэ «Саханефтегазсбыт» АУо генеральнай дириэктэрэ, норуот дьокутаата Виктор Лебедев. Кини этэринэн, билигин тиэйии-таһыы сүрүннээн Аллараа Бэстээх – Жатай уонна Аллараа Бэстээх – Хаандыга хайысхаларынан ыытыллаллар.

«Саханефтегазсбыт» хотугу уонна арктическай улуустарга уматыгы тиэйии күн-дьыл туругуттан тутулуктаах.

Саха Өрөспүүбүлүкэтин Гражданскай оборуона дьыалаларыгар уонна нэһилиэнньэ олоҕун-дьаһаҕын куттала суох буолуутун хааччыйыыга министиэристибэтин «2026 сылга Саха Өрөспүүбүлүкэтигэр кыһыҥҥы кэмҥэ уонна навигацияҕа сезоннай суолларынан иһиккэ кутуллубут ньиэп бородууктатын аҕалыы уонна батарар былааны бигэргэтэр туһунан» бирикээһинэн, бу сылга нэһилиэнньэлээх пууннары хааччыйыыга уопсай былаан 1№ сыһыарыынан – 2 622,694 туонна, 2 № сыһыарыынан – 224,110 туонна буолар.

Яна Байгожаева, «Саханефтегазсбыт» АУо пресс-сэкирэтээрэ