Хаартыска: «Саханефтегазсбыт» пресс-сулууспата
«Саханефтегазсбыт» АУо 2025 сылга кыһыҥҥы кэмҥэ уонна навигацияҕа кыһыҥҥы суолунунан Саха сирин ыраах сытар нэһилиэнньэлээх пууннарыгар ньиэр бородуукталарын тиэйии уонна таһыы торумун бигэргэттэ.
Арктика оройуоннарынан, Дьааҥыга, Эбээн Бытантайга, Усуйаанаҕа, Булуҥҥа, Аллайыахаҕа, Абыйга, Муомаҕа, Аллараа Халымаҕа, Орто Халымаҕа, Үөһээ Халымаҕа, Өлөөҥҥө уонна Анаабырга, былаан быһыытынан 1920-тэн тахса туонна ньиэп бородууктата тиэллиэҕэ.
Итини кытта Амма, Уус Алдан, Бүлүү, Үөһээ Бүлүү, Сунтаар, Эдьигээн, Өлүөхүмэ, Таатта, Нам, Томпо, Хаҥалас, Кэбээйи улуустарынан сылы эргиччи тырааныспар ситимэ суох нэһилиэктэринэн 760 туоннаттан тахса таараламмыт ньиэп бородууктатынан хааччыллыахтара. Алдан оройуонун нэһилиэктэригэр 67 туонна ньиэм бородууктата тиэрдиллиэҕэ. 2024 сылга таараламмыт оттук 72 уустук суоллаах-иистээх нэһилиэнньэлээх пууҥҥа тиэрдиллэн, бэйэ тиэйэн ылыыга 15 сэлиэнньэ хааччылынна. 2025 сылга 90 нэһилиэнньэлээх пууҥҥа таһыллара былааннанар, бэйэ тиэйэн ылыыга 14 сэлиэнньэҕэ тиэрдиллиэҕэ.
Кыһыҥҥы суолунан барыта 2748,237 туонна ньиэп бородууктатын тиэрдэр былааннаахтар. Таараламмыт ньиэп бородууктатын туһаныыга дуогабары түһэрсии 2025 сыл тохсунньутуттан саҕаланар.
Ааспыт сылларга туһанааччылар ортолоругар уматыкка уонна таараҕа улахан иэс баара бэлиэтэнэр. Онон ньиэп бородууктатын таһыыга дуогабардар 100 тыһ. солк. суумаҕа тиийэ иэстээхтэри кытта эрэ түһэрсиллиэҕэ.
«Бу хайысхаҕа үлэ үрдүк социальнай суолталааҕынан, биһиги Саха сирин ыраах уонна уустук суоллаах нэһилиэнньэлээх пууннарыгар ньиэп бородуукталарынан хааччыйабыт, онуоха «Саханефтегазсбыт» АУо тырааныспар ороскуотун бэйэтэ уйунар», – диэн «Саханефтегазсбыт» АУо генеральнай дириэктэрэ, норуот дьокутаата Виктор Лебедев бэлиэтээтэ. Бу сыл бүтүүтүттэн «Саханефтегазсбыт» ньиэп бородуукталарын таараламмыт канистрдарынан таһыынан хааччыйар.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…