Салгыы
Саха сиригэр 2730 ыал «100 сыл оҕолоро» хапытаалынан туһаннылар

Саха сиригэр 2730 ыал «100 сыл оҕолоро» хапытаалынан туһаннылар

02.01.2023, 20:07
Бөлөххө киир:

Өрөспүүбүлүкэ үбүлүөйдээх 2022 сылыгар 11 592 кырачаан төрөөбүтэ, кинилэр бары 100 тыһыынча солкуобайдаах «100 сыл оҕолоро» хапытаал сэртипикээтин ыллылар.

Санатар буоллахха, ааспыт сылга Ил Дархан Айсен Николаев Саха АССР олохтоммута 100 сылыгар төрөөбүт оҕолорго «100 сыл оҕолоро» хапытаал сэртипикээтин олохтообута. 2023 сыл тохсунньу 1 күнүнээҕи дааннайынан, итинтэн 2730 ыал барыта 230 мөл солк. тахса суумалаах үбү туһаннылар.

Хапытаалы үгүстэр дьиэ-уот усулуобуйатын тупсарыыга (165 мөл. 700 тыһ. солк.) уонна тырааныспары атыылаһыыга (60 мөл. 200 тыһ. солк.) тутуннулар. 17 ыал бааҥҥа оҕо аатыгар счет арыйан укта, 20 ыал хапытаалын кэтэх хаһаайыстыбаларын сайыннарыыга, 6 ыал дьиэ кэргэн сынньалаҥар, 4 ыал оҕоҕо үрдүк технологиялаах көмөнү оҥорууга туһаннылар.

Ил Дархан Айсен Николаев ааспыт сыллааҕы Анал этиитигэр «100 сыл оҕолоро» хапытаалы биэриини өссө 5 сылга уһатар туһунан эппитэ. Бу тус сыаллаах хапытаалы туһаныыга докумуоннары бэлэмнээһин уонна үбү ылыы судургутуйда уонна туһаныы испииһэгэ кэҥээтэ.

Хапытаалы ылааччы төрөппүттэр Арассыыйа гражданнара уонна Саха сиригэр олороллорун туһунан регистрациялаах буолуохтаахтар итиэннэ олохтоох ЗАГС уорганыттан оҕо төрөөбүтүн туһунан сибидиэтэлистибэни ылыахтаахтар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -14°C
  • Ощущается: -21°Влажность: 40% Скорость ветра: 4 м/с

Сообщить об опечатке

Текст, который будет отправлен нашим редакторам: