Саха сиригэр хантараагынан байыаннай сулууспаҕа сүүмэрдиир киин аһылынна

Саха сиригэр хантараагынан байыаннай сулууспаҕа сүүмэрдиир киин аһылынна. Бу туһунан бүгүн, муус устар 11 күнүгэр, Дьокуускай куорат хантараагынан сулууспалааччылары сүүмэрдиир пуун инструктора, старшай прапорщик Алексей Колесов брифинг кэмигэр иһитиннэрдэ.

Биир кэлим киин бэҕэһээ, муус устар 10 күнүгэр, Дьокуускай куоракка баар «Абырал» санаторий баазатыгар аһыллыбыт. Манна сүүмэрдинээччилэр быраастарга көрдөрөн, кэпсэтиини ааһыахтара.

Бэлиэтээн суруйдахха, хантараагынан сулууспаҕа 18-59 саастаах эр дьон хапсар. Арай биир эмит түгэҥҥэ 65 сааһыгар диэри киһини аһардыахтарын сөп. Байыаннай сулууспаҕа барааччылар тоҕус кылаас үөрэхтээх, байыаннай сулууспаҕа «А», «Б» категориялаах буолуохтаахтар.

Хантараагынан сулууспалыы барыан баҕалаахтар оройуоннарын байыаннай комиссариаттарыгар, оттон Дьокуускай олохтоохторо Чепалов уулуссатын 23 №-дээх дьиэтигэр тиийэллэр. Билсэр нүөмэргит: 32-10-40