Саха сиригэр наукалары дириҥэтэн үөрэтэр физика-математика 100 кылааһа аһыллыаҕа

Илиҥҥи экэниэмикэ пуорумугар Саха сирэ Физтех-оскуолалары сайыннарыы пуондатын кытта бииргэ үлэлииргэ сөбүлэһии түһэристэ.

Пуонда Москватааҕы физико-тэхиньиичэскэй институт (МФТИ) уонна П.Л.Капица аатынан физтех-лиссиэй баазатыгар тэриллибитэ.  “Физтех XXI” естественнэй-научнай оскуолатааҕы кластер чэрчитинэн бырайыактары олоххо киллэрэр.

2025-2026 сылга Саха сиригэр 100 физико-математическай кылааһы арыйары былаанныыллар.

Бырабыыталыстыба бэрэссэдээтэлин солбуйааччы Анатолий Семенов маннык эттэ: “Өрөспүүбүлүкэ оскуолаларыгар “Наука в регионы” бырагырааманан анал кылаастары арыйыахпыт. Үөрэнээччилэр естественнэй-научнай, тэхиньиичэскэй, инженернэй, математика дьиссипилиинэлэрин дириҥэтэн үөрэтиэхтэрэ”.

Сөбүлэһиигэ олоҕуран математика уонна физика 200 учууталын идэтин таһымын үрдэтиэхтэрэ.

Санаттахха, Илиҥҥи экэниэмикэ пуорумун кэмигэр “Дальний Восток: сотрудничество во имя мира и процветания” тиэмэнэн кэпсэттилэр. ВЭФ тэрийээччитэ – Роскогресс пуонда.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/11637