Саха сиригэр суукка иһигэр 4 ойуур баһаара умуруорулунна

Ленскэй, Сунтаар, Өлүөхүмэ, Уус Маайа оройуоннарыгар уопсайа 232 га иэннээх сиргэ баһаар умуруорулунна. Саҥа баһаардар турбуттара бэлиэтэммэтэ.

Бу туһунан Саха Өрөспүүбүлкэтин Суһал ыстааба иһитиннэрэр. Билиҥҥи туругунан уопсайа 13112 гаалаах сиргэ 14 ойуур баһаара баара биллэр. Ол курдук Өлүөхүмэҕэ – 6, Нерюнгрига – 3, Алдаҥҥа – 2, Кэбээйи, Ленскэй уонна Ньурба улуустарыгар – 1-дии ойуур баһаара баар.

Баһаары умуруорууга 232 киһи кыттар, 9 тиэхиньикэ үлэлиир. Ойууру кэтээн көрүүгэ 5 сөмөлүөт, баһаары умуруорууга 5 Ми-8 бөртөлүөт көтөр.