Бүгүн, атырдьах ыйын 10 күнүгэр, Дьокуускай куоракка дьүкээгир норуотун VII сийиэһэ үлэтин саҕалаата. Саха сирин киин куоратыгар үс күн устата ыытыллар пуорумҥа Усуйаана, Аллайыаха, Аллараа Халыма, Орто Халыма уонна Үөһээ Халыма оройуоннарыттан 46 дэлэгээт кэлэн кытта сылдьар. Видеоконференц-сибээс нөҥүө Чукотка уонна Магадаан бэрэстэбиитэллэрэ кыттыахтара.
Бу туһунан СӨ Бырабыыталыстыбатын пресс-слууспата иһитиннэрэр.
Өрөспүүбүлүкэ салалтатын аатыттан дьүкээгир норуотун сийиэһин дэлэгээттэрин СӨ Бырабыыталыстыбатын бэрэссэдээтэлин солбуйааччы Михаил Никифоров эҕэрдэлээтэ. Вице-премьер бэйэтин этиитигэр Хотугу сир төрүт олохтоох аҕыйах ахсааннаах норуоттарын бырааптарын уонна сокуоннай интэриэстэрин көмүскээһин боппуруостарыгар ыытыллар үлэ туһунан иһитиннэрдэ. Кини бэлиэтээбитинэн, «Бүтүн Арассыыйатааҕы гражданскай идентичность уонна норуоттар этнокультурнай сайдыылара» судаарыстыбаннай бырагыраама иһинэн «СӨ хотугу аҕыйах ахсааннаах төрүт олохтоох норуоттарын өйөөһүн» бырагыраама оҥоһулунна.
Бу докумуон чэрчитинэн Саха сиригэр 2012-2023 сылларга аҕыйах ахсааннаах норуоттар коммерческайа суох тэрилтэлэрэ 333 бырайыактарын олоххо киллэриигэ 158 мөл. солк. субсидия бэрилиннэ. Хотугу норуоттар төрүт үгэстэринэн дьарыктанар көс аҕа ууһун общиналара сыллата элбээн иһэллэр. Бүгүҥҥү туругунан өрөспүүбүлүкэҕэ итинник 235 баар. Саха сирэ дойду үрдүнэн биир табаны иитиигэ бастыҥ эрэгийиэнинэн буолар – 2023 с. саҥатыгар хотугу дьиэ табатын ахсаана 166,7 тыһыынча төбө этэ. Бу дойдуга таба уопсай ахсаанын 8%-гар тэҥнэһэр. Бу көрдөрүүнэн өрөспүүбүлүкэ Арассыыйа эрэгийиэннэрин ортотугар 3-с миэстэни ылар.
Сарсын сийиэс чэрчитинэн «Жизнеобеспечение мест традиционного проживания юкагиров» төгүрүк остуол ыытыллыа, ол кэннэ пленарнай мунньах уонна «Юкагирские огни» бэстибээл ыытыллыа. Тэрээһини Үс Хатыҥҥа дьүкээгирдэр «Шахадьибэ» төрүт бырааһынньыктара түмүктүө.
Бэҕэһээ, ыам ыйын 20 күнүгэр, Эдьигээн сэлиэнньэтигэр өрүскэ муус хамсаан, үс суудуна эмсэҕэлээтэ. Онтон иккитэ…
Нам улууһун Түбэ нэһилиэгин олохтооҕо Светлана Атласова 32 урулуон отун халаантан эмсэҕэлээбит Хатырык уонна Маймаҕа…
Арассыыйа Ыксаллаах быһыыга-майгыга министиэристибэтин үлэһиттэрэ Намҥа сэттэ булчуту быыһаатылар диэн ЫБММ пресс-сулууспата иһитиннэрэр. Булчуттар дьиэлэригэр…
Ыам ыйын 17 күнүттэн Москваҕа "Арассыыйа" форум-быыстапка чэрчитинэн ВДНХ 31 №-дээх "Геология" павильонугар "Ирбэт тоҥ…
Бу күннэргэ Алексей Илларионов АйТи оскуолата “Мас-рестлинг” диэн сахалыы оонньууну оҥорон таһаарбыт. Тугун-ханныгын, хайдах оонньонорун…
Саха сирэ Уһук Илин уокуругар демографическай уонна дьиэ кэргэн бэлиитикэтигэр биир бастыҥынан ааттанна. Бу туһунан…