Салгыы
Саха сирин 90 саастаах бэтэрээнэ: «Бэрэсидьиэн быһа эпиирин дьиэ кэргэнинэн бары көрүөхпүт»

Саха сирин 90 саастаах бэтэрээнэ: «Бэрэсидьиэн быһа эпиирин дьиэ кэргэнинэн бары көрүөхпүт»

14.12.2023, 17:38
Бөлөххө киир:

Тыыл уонна үлэ бэтэрээнэ, Эдьигээн эбэҥки национальнай нэһилиэгин бочуоттаах олохтооҕо Евдокия Ивановна Константинова Арассыыйа Бэрэсидьиэнэ кыттыылаах быһа эпиири куруук көрөр. Кини бүгүн эмиэ «Владимир Путины кытта сыл түмүктэрэ» теле-биэриини көрөөрү кэтэһэ аҕай олорор.

«Биһиги дьиэ кэргэммитинэн көрүөхпүт. Бэрэсидьиэн олохтоохтору кытта быһаччы кэпсэтэр, кыһалҕалаах ыйытыыларга хоруйдуур, олоҕу-дьаһаҕы тупсарарга сорудахтары биэрэр. Мин 90 саастаахпын, 56 сыл үлэ ыстаастаахпын. Бэрэсидьиэммитин олус таптыыбын уонна ытыктыыбын. Хотугу эргимтэҕэ олорор эбэҥки норуотун аатыттан Владимир Влалимирович Путиҥҥа Арктиканы сайыннарыы иһин махтанабын. Кэнники сылларга мэдиссиинэ, үөрэх, култуура, успуорт, суол хаһаайыстыбатын, сибээс эйгэлэригэр сайдыы барбытын көрөбүт», — диэн кини этэр.

Бэтэрээн Арассыыйа Бэрэсидьиэнэ Крым, Луганскай, Донбасс норуоттарыгар бастакынан көмөлөспүтэ уонна быыһаата диэн бэлиэтээтэ.

Бэтэрээн саныырынан, хамсык сатыылаабыт кэмигэр норуокка көмөлөспүтүн уонна бу ыарыыны кыайыыга өҥөтүн бэлиэтиир.

«Хамсыгы кыайбыттарын туһунан иһитиннэрбиттэригэр мин Бэрэсидьиэҥҥэ телеграмманан махтаммытым. Нөҥүө күнүгэр кини миэхэ хардарбыта» — диэтэ Евдокия Ивановна.

Оттон аҕыйах хонуктааҕыта бэтэрээн В.В. Путинтан 90 сааһын туолбутунан истиҥ тыллаах открытканы тутта.
«Бары биир дойдулаахтарбар Арассыыйа Федерациятын Бэрэсидьиэнин кулун тутарга ыытыллар быыбарыгар биһиги Бэрэсидьиэммит тула түмсэргэ уонна куоластарын Владимир Владимирович Путиҥҥа биэрллэригэр ыҥырабын. Кини аан дойду таһымнаах лиидэр» — диэтэ бэтэрээн.

Евдокия Ивановна Саха Өрөспүүбүлүкэтин норуотун хаһаайыстыбатын үтүөлээх үлэһитэ, Эдьигээн оройуонун бочуоттаах олохтооҕо, «Гражданскай килбиэн» анал бэлиэ хаһаайына, Өрөспүүбүлүкэ бочуотун кинигэтигэр киирбитэ. Тапталлаах ийэ, эбэ, хос эбэ.

Саха Өрөспүүбүлүкэтин Ил Дарханын уонна

Саха Өрөспүүбүлүкэтин Бырабыыталыстыбатын пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
27 мая
  • 18°C
  • Ощущается: 17°Влажность: 34% Скорость ветра: 1 м/с

Сообщить об опечатке

Текст, который будет отправлен нашим редакторам: