Андрей Сорокин хаартыската, СИА.
Саха сирин баһылыга Айсен Николаев миниистирдэр кэбиниэттэригэр өрөспүүбүлүкэҕэ федеральнай бырагыраамалары суһаллык толорууну хааччыйаларыгар соруйда. Чуолаан, бу байыаннай сулууспалаахтар уонна кинилэр дьиэ кэргэттэригэр сыһыаннаах.
Дойду бырабыыталыстыбата хомуурга хабыллыбыт урбаанньыттарга аренда төлөбүрүн уһатан төлөөһүнү уһаппыта. Онон сулууспалыыр кэмнэрин таһынан өссө сулууспалара бүппүтүн кэннэ 90 хонук устата уһатан төлөөһүн көрүллүөҕэ уонна федеральнай баай-дуол бары көрүҥнэригэр тарҕаныаҕа, ол иһигэр сир учаастактарыгар тиийэ.
Федеральнай бырайыагынан эрэгийиэннэргэ дьоҕус куораттарга уонна историческай поселениеларга уопсастыбаннай эйгэни тупсаран оҥорууга куонкурус ыытыллар. Быйыл Саха сирин нэһилиэнньэлээх пууннара эмиэ бары кыттар кыахтаныахтара.Ол иһин өрөспүүбүлүкэ баһылыга муниципальнай тэриллиилэртэн сайаапкалары биэриини хааччыйалларыгар сорудахтаата.
Өрөспүүбүлүкэ баһылыга иһитиннэрбитинэн, өрөспүүбүлүкэ федеральнай бүддьүөттэн 67 мөл солк. субсидияны туристическай инфраструктураны сайыннарыыга ылыаҕа. Бу үбүнэн туризм эйгэтигэр дьоҕус уонна орто урбаан олохтоох тэрилтэлэрин өйүөхтэрэ.
Ону тэҥэ федеральнай миниистирдэр кэбиниэттэрэ дьиэ-уот сэртипикээтин кыраапыгын уонна үбү тыырыыны бигэргэттэ. 2023 сылга 2,5 тыһыынчаттан тахса киһи федеральнай бүддьүөт суотугар сэртипикээти ылыахтара, оттон Саха сиригэр – 80 тахса киһи. Дьиэ сэртипикээтин Чернобыллааҕы АЭС содулун туоратыыга кыттыбыттар уонна Уһук Хоту дойдуттан көһөн барааччылар ылыахтарын сөп.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…