2025 сылга туризмы сайыннарарга урбаанньыттар көҕүлээһиннэригэр 30 мөлүйүөнтэн тахса үбү көрбүттэрин туһунан СӨ предпринимательствоҕа, эргиэҥҥэ уонна туризмҥа миниистирэ Тимур Ханды Ил Дархан уонна бырабыыталыстыба дьаһалтатын социальнай ситимнэригэр быһа эпииргэ иһитиннэрдэ.
«Туризм эйгэтигэр урбаанньыттары өйөөһүн, уруккутун курдук, биһиги биир дьоһун сорукпутунан буолар. Бу субсидиялар саҥа бырайыактары олоххо киллэрэргэ, элбэх турист кэлэригэр уонна эрэгийиэн экэниэмикэтин сайыннарарга көмөлөһүөхтэрэ”, — диэн Тимур Ханды бэлиэтээн эттэ.
Биир бырайыак муҥутуур кээмэйэ 1 мөлүйүөҥҥэ тиийэ суумаҕа тэҥнэһиэҕэ. Урбаанньыттар өйөбүлү ылалларыгар бырайыактарыгар 50 бырыһыан бэйэлэрин үптэрин угуохтаахтар.
Субсидиялар РФ бэрэсидьиэньэ Владимир Путин көҕүлээбит “Туризм уонна ыалдьытымсах быһыы” национальнай бырайыагын чэрчитинэн бэриллэллэр. Ону таһынан РФ Экэниэмикэҕэ сайдыытын министиэристибэтэ 2025-2027 сылларга модульнай гостиницалары оҥорорго бырайыактары суруйарга куонкуруһу биллэрбитэ. Саха сирин Предпримательствоҕа, эргиэҥҥэ уонна туризмҥа министиэристибэтэ урбаанньыттартан сайаапкалары 2025 сыл тохсунньу 31 күнүгэр диэри ылар. Бэрэбиэркэ кэнниттэн үлэлэр федеральнай куонкуруска ыытыллыахтара.
Санатан эттэххэ, Ил Дархан Айсен Николаев СӨ Судаарыстыбаннай мунньаҕар (Ил Түмэҥҥэ) Анал этиитигэр өрөспүүбүлүкэ бырабыыталыстыбатыгар эрэгийиэҥҥэ туристар кэлиилэрин көҕүлүүргэ, сынньанарга сөптөөх усулуобуйаны тэрийэргэ, ыалдьыттарга усулуобуйаны хааччыйыы хаачыстыбатын тупсарарга уонна ис-тас туризмҥа дьикти үчүгэй маршруттары киллэрэргэ эппитэ.
Соторутааҕыта Саха сиригэр 2030 сылга диэри туризмы сайыннарыы стратегията бигэргэтиллибитэ. Докумуону олоххо киллэрии чэрчитинэн, биир сүрүн соругунан туристар ахсааннарын 700 тыһыынчаҕа тиийэ киһиэхэ элбэтии буолар.
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…