Мария Васильева хаартыската, СИА.
Бүгүн, кулун тутар 24 күнүгэр, Дьокуускайга «Кыайыы 50 сыла» Успуорт дыбарыаһыгар «Молодежь Якутии! Мы ГоТОвы!» диэн ГТО комплекстарынан күрэхтэһии финала саҕаланна. Тэрээһин MuusUstar бэстибээл чэрчитинэн ыытыллар.
Финалга өрөспүүбүлүкэ улуустарыттан тоҕус хамаанда ааста. Бүгүн кинилэр 11 көрүҥҥэ илин-кэлин түсүһүөхтэрэ. Күрэхтэһиигэ барыта 31 хамаандаттан 125 спортсмена кыттыыны ылла.
Кыттааччылары эҕэрдэлии уонна өйүү диэн СӨ Ил Дархан Айсен Николаев, СӨ Бырабыыталыстыбатын бэрэссэдээтэлэ Андрей Тарасенко, СӨ Успуорка уонна физическэй култуураҕа миниистирэ Леонид Спиридонов, СӨ Ыччат дьыалаларыгар уонна социальнай коммуникацияларга миниистирэ Петр Шамаев, фигурнай хаҥкылааһыҥҥа Олимпиада кыайыылааҕа Камила Валиева, спортивнай гимнастикаҕа Олимпиада кыайыылааҕа Никита Нагорнай, кини кэргэнэ, эмиэ гимнастикаҕа Олимпиада призера Дарья Нагорная, уус-уран гимнастикаҕа Арассыыйа лиидэрдэрэ — Олимпиада чөмпүйүөнэ Ксения Дудкина, юниордарга Европа, аан дойду чөмпүйүөнэ Лала Крамаренко кэллилэр.
Ил Дархан Айсен Николаев: «Дойду Бэрэсидьиэнэ тоҕус сыллааҕыта ГТО хамсааһынын сөргүтүүгэ ыйаах таһаарбыта. «Муус устар» бэстибээл иитинэн ГТО комплексыгар хайысха баар буолбутуттан олус үөрэбин. Мин оскуолаҕа үөрэнэ сылдьаммын ГТО нормативтарын туттарбытым. Дойдубутугар патриотизм, успуорт уонна култуура үтүө үгэстэрэ сөргүтүллэллэрэ үөрдэр. Ыалдьыттарбыт, биллэр спортсменнар, холобурдарын ыччаппыт, оҕолорбут батыһыахтара диэн эрэнэбин», — диэн арыллыы кэмигэр тыл эттэ.
Олимпийскай чөмпүйүөн Никита Нагорнай: «Спортивнай карьерам саҕаланыытыгар маннык хабааннаах тэрээһиннэр ыытыллыахтарын олус баҕарарым. Эһиги манна кытта сылдьаргыт табыллыыгыт буолар. Ил Дархан Айсен Сергеевич Николаев спортивнай хамсааһыны өйүүрүгэр махтанабын. Бу бырааһынньыкка кытта сылдьарбыттан олус үөрэбин», — диэн бэстибээл кыттааччыларын эҕэрдэлээтэ.
Бүгүн, олунньу 16 күнүгэр, өрөспүүбүлүкэ баһыйар үгүс өттүгэр кыралаан хаардыаҕа, киин, соҕуруу диэки хаар сөбүгэр…
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…