«Сахатранснефтегаз» хампаанньа социальнай гаастааһын боппуруоһунан нэһилиэнньэни кытары көрсүһүөҕэ

«Сахатранснефтегаз» хампаанньа «Биир ньыгыл Арассыыйа» баартыйаны кытары тыа сирин олохтоохторун гаастааһын боппуруоһугар бэс ыйын 14, 15 уонна 16 күннэригэр 14.00 ч. 18.00 ч диэри нэһилиэнньэни кытары көрсүһүөҕэ.

Гражданнар гаастааһын боппуруоһунан «Биир ньыгыл Арассыыйа» баартыйа Уопсастыбаннай өйөбүлүн ыстаабыгар тиийэн билсиэхтэрин сөп.

«Сахатранснефтегаз» хампаанньа генеральнай дириэктэрэ Алексей Колодезников кэпсээбитинэн, Саха сирэ «Биир ньыгыл Арассыыйа» баартыйа социальнай гаастааһынан бырайыгар Уһук Илин эрэгийиэҥҥэ лиидэринэн буолар.

«Мин гаастааһын боппуруоһугар боппуруостаах дьону барыларын Дьокуускай куоракка баар «Биир ньыгыл Арассыыйа» баартыйа уопсастыбаннай өйөбүлүн ыстаабыгар ыҥырабын. «Сахатранснефтегаз»  хампаанньа үлэһиттэрэ сөптөөх сүбэни биэриэхтэрэ эбэтэр социальнай гаастааһыҥҥа сайаапкалары ылыахтара», — диэн эттэ Алексей Колодезников.

«Сахатранснефтегаз»  хампаанньа үлэһиттэрэ социальнай гаастааһын боппуруостарыгар эппиэттиэхтэрэ, гааска холбонорго тэхэньиичэскэй ирдэбиллэр тустарынан быһаарыахтара, социальнай гаастааһын чэрчитинэн гааска холбонууга сайаапканы ылыахтара.

Уопсастыбаннай өйөбүл ыстааба Дьокуускай куорат,  Курашов, уул. 24, 701 каб.