Салгыы
«Сахатранснефтегаз» куорат олохтоохторун уонна суоппардары аймамматтарыгар көрдөһөр

«Сахатранснефтегаз» куорат олохтоохторун уонна суоппардары аймамматтарыгар көрдөһөр

27.03.2023, 16:55
«Сахатранснефтегаз» АУо пресс-сулууспатын хаартыската
Бөлөххө киир:

Бэҕэһээ Дьокуускай куорат Киров уонна Лермонтов уулуссаларын быһа охсуһуутугар гаас сыта тарҕаммытын туһунан социальнай ситим нөҥүө сурах тарҕаммыта.

Онно тута «Сахатранснефтегаз» АУо исписэлиистэрэ гаас быыһылыыр сирин булан, бүгүн сарсыардаттан аварийнай-чөлүгэр түһэрэр үлэни саҕалаатылар. Ол туһунан «Сахатранснефтегаз» АУо пресс-сулууспатын начаалынньыга Василий Амбросьев иһитиннэрэр.

Кини этэринэн, икки миэтэрэ дириҥҥэ сытар турбаларга диэри хастылар даҕаны өрөмүөннээн барыахтара, онуоха элбэх кыбартыыралаах олорор дьиэлэр гаастара араарыллыа суоҕа. «Бүгүн биир идэлээхтэрим гаас турбата быыһылаабыт сирин өрөмүөннээн, киэһээҥҥэ диэри суолу кумаҕынан-гравийынан бүрүйүөхтэрэ. Оттон аспаалы бэдэрээттээх тэрилтэ халлаан сылыйдаҕына ууруо. Онуоха диэри гаас үлэһиттэрэ ити учаастагы тиһигин быспакка кумаҕынан кутан тэҥнээн иһиэхтэрэ», — диэн Василий Амбросьев бэлиэтээн эттэ.

Хаартыскаҕа көстөрүн курдук, массыына суола бүтүннүү сабыллыбата, айан бу учаастагынан хааччахтаммата. Лермонтов уулусса түөрт балаһатыттан иккитэ сабыллан улахан харгыс суох. Онон «Сахатранснефтегаз» АУо куорат олохтоохторун уонна суоппардары аймамматтарыгар көрдөһөр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
3 октября
  • 5°C
  • Ощущается: 2°Влажность: 87% Скорость ветра: 3 м/с

Сообщить об опечатке

Текст, который будет отправлен нашим редакторам: