«Сахатранснефтегаз» мобилизованнай биир дойдулаахтарын өйүүр

«Сахатранснефтегаз» хампаанньа бэйэтэ оҥорбут 16 оһоҕун байыаннай дьайыылар бара турар сирдэригэр, инники кирбиигэ ыыталыа диэн хампаанньа пресс-сулууспата иһитиннэрэр. 

«Буржуйка» оһохтор хампаанньа генеральнай дириэктэрэ Алексей Колодезников, тэрилтэ кэлэктиибэ уонна «Биир ньыгыл Арассыыйа» баартыйа чилиэттэрин көҕүлээһининэн байыаннай сулууспалаахтарга көмө быһыытынан тириэрдиллэр.

Бу сырыыга, оһохтор ааспыттааҕы курдук, эмиэ бытовой гаас баллоннарыттан оҥоһулуннулар. Оһох тимирэ үчүгэй хаачыстыбалааҕынан, үрдүк температураҕа тас быһыыта уонна тастан дьайыыга уларыйбат.

Санатар буоллахха, олунньу 2 күнүгэр оһохтор бастакы баартыйалара 14 устуука барбыта. Бу сырыыга 16 оһох «Саха сирэ эйигин кытары!» уопсастыбаннай хамсааһын ыстаабыгар норуот дьокутаата Павел Ксенофонтов көмөтүнэн тириэрдилиннэ.

СӨ Ил Дарханын уонна Бырабыыталыстыбатын пресс-киинэ