Хаартыска: Андрей Сорокин, ЯСИА.
Мэҥэ Хаҥалас улууһун Сыымах сэл. — сахаттан бастакы Сэбиэскэй Сойуус Дьоруойа Федор Попов төрөөбүт дойдутугар гааһы үөрүүлээхтик киллэрии тэрээһинэ буолла.
Оруобуна бүгүн, алтынньы 1 күнүгэр, кыһыл армеец Федор Попов хорсун быһыытын оҥорбут күнэ, диэн иһитиннэрэр Ил Дархан, бырабыыталыстыба пресс-сулууспата.
Тэрээһиҥҥэ Ил Дархан Айсен Николаев, норуот дьокутаата, «Сахатранснефтегаз» АУо генеральнай дириэктэрэ Алексей Колодезников, норуот дьокутаата, “Саха” НКИК гендириэктэрэ Олег Марков, Арассыыйа Дьоруойдара Филипп Евсеев, Алексей Петров, улуус, нэһилиэк салалтата, олохтоохторо кыттыыны ыллылар.
Айсен Николаев нэһилиэк олохтоохторун Кыайыы 80, биир дойдулаахтара хорсун быһыыны оҥорбута 82 сылларынан бэлиэтээн туран, Сыымахха гаас кэлбитинэн эҕэрдэлээтэ.
Нэһилиэккэ 23,4 км усталаах “Бэдьимэ-Сыымах” гаас турбата тутуллубут, 215 учаастагы хабар кыахтаах. Сэлиэнньэ иһигэр 13 км усталаах гааһы тарҕатар ситимнэр, регулировкалыыр пуун, бастакы, иккис уочараттаах эбийиэктэр тутуллубуттар. Бырайыакка 65 мөл.солк тахса үп көрүллүбүт.
Сыымахха социальнай гаастааһын чэрчитинэн 115 дуогабар түһэрсиллибит, ол онтон 28-һа – комплекснай. Субсидияны 33 сайаапкаҕа биэрбиттэр, кинилэр истэригэр элбэх оҕолоохтор, кыаммат дьон, байыаннай дьайыы кыттыылаахтара, инбэлииттэр бааллар. Субсидия кээмэйэ 202 тыһ. солк. тиийэр.
Тэрээһин кэмигэр Айсен Николаев гаастааһын биир тирээн турар сорук буоларын тоһоҕолоон бэлиэтээтэ.
“Өрөспүүбүлүкэ нэһилиэктэригэр гаас киириитэ улахан ситиһиинэн буолар, нэһилиэктэр сүтэн-оһон хаалбакка, сайдар кыахха үктэнэллэр. Манна аҕыйах сылынан саҥа оҥорон таһаарыылар, саҥа кыахтар баар буолалларыгар эрэнэбин”, — диэтэ Ил Дархан.
14 саастарын туола илик оҕолор Арассыыйаттан тахсалларыгар кыраныысса таһынааҕы пааспардаах буолаллара ирдэнэр -- 2026 сыл…
Аҕам саастаахтар күннэригэр Куокуй нэһилиэгэр аҕам саастаахтар декадалара үөрүүлээхтик арылынна. [gallery ids="245435,245436,245437,245438"] Баһылык Лев Павлов…
Күһүн кыстыкка киириигэ оҕо ыалдьыа суохтаах диэн этэллэр. Ол эрээри, субу оҕо саадыгар, оскуолаҕа киирээри…
Саха сиригэр номнуо X төгүлүн “Орто анал үөрэххэ Мисс уонна Мистер” күрэс ыытыллар. Сыллата таһыма…
ХНТ Генеральнай Ассамблеятын 80‑с сиэссийэтигэр үгэс быһыытынан аан дойду судаарыстыбаларын баһылыктара, бэрэстэбиитэллэрэ мустан, санааларын үллэһиннилэр,…
Бу күннэргэ интэриниэт ситимигэр эр киһи быраабы утары дьайыылары оҥоруох буоларын туһунан видео-устуу тарҕанна. Бу…