Саха тустууктара Олимпиадаҕа кыттар иһин квалификациялаах турнирдарга күрэхтэһиэхтэрэ

Көҥүл тустууга Олимпийскай оонньууларга кыттар иһин квалификациялаах турнирдар саҕаланнылар. Маныаха бастакы сүүмэрдээһининэн Египекка кулун тутар 22-24 күннэригэр ыытыллар Африкано-Океанийскай турнир буолуоҕа. Манна Австралия аатыттан 65 киилэҕэ тустар Георгий Окороков кыттыаҕа. Олимпиадаҕа кыттар путевкалары финалистар эрэ ылыахтара.

Оттон муус устар 5-7 күннэригэр Азербайджаҥҥа Европатааҕы квалификациялаах турнир буолуоҕа. Манна Беларусь аатыттан тустар Арыйаан Тютрин (57 киилэҕэ) уонна Ньургун Скрябин (65 киилэҕэ) кыттыахтара. Итиэннэ Македония аатыттан 57 киилэҕэ Владимир Егоров тустуоҕа. Бу турнирга Олимпиадаҕа кыттарга икки квота көрүлэр.

Оттон ыам ыйын 10-12 күннэригэр Турцияҕа аан дойдутааҕы квалификациялаах турнир ыытыллыаҕа. Манна тустууктар Парижка ыытыллар Олимпиадаҕа үс бүтэһик квота иһин киирсиэхтэрэ диэн «Триуфм» успуорка бэлэмнээх буолуу киинэ иһитиннэрэр.