Сайаапкалары муус устар 1 күнүттэн ылыахтара

Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатыгар министиэристибэтэ бултуурга илимиит олохтонор (туундара популяцията хотугу кыыл табаттан  уонна киистэн уратыларга) булт баайын бултуурга  көҥүлү ылыы сэрэбиэйигэр кыттарга сайаапкалары ылыы бу дьыл муус устар 1 күнүттэн бэс ыйын 30 күнүгэр диэри саҕаланарын туһунан иһитиннэрэр.

“Сайаапканы хас биирдии оройуоҥҥа булт биир көрүҥэр биэрэрэ көҥүллэнэр.

Сайаапканы биэрии усулуобуйатын кытта министиэристибэ Minpriroda.sakha.gov.ru саайт кылаабынай сирэйигэр “Жеребьевка по распределению разрешений на охоту” салааҕа билсиҥ”, — диэн чопчулаата тустаах министиэристибэ Булду уонна булт баайын харыстааһыҥҥа департаменын кылаабынай исписэлииһэ Лера Евсеева.