Хаартыска: Photo by form PxHere
Күһүҥҥү булт сезона саҕаланна, доҕоттоор! Ол курдук, атырдьах ыйын 1 күнүттэн кыыл табаны, тыатааҕыны, чубукуну бултууллар. Куһу уонна мас көтөрүн маассабайдык бултааһын атырдьах ыйын үһүс субуотатыттан – 19 күнүттэн көҥүллэммитэ. Ол иһин куска уонна мас көтөрүгэр көҥүлү биэриини эрдэттэн – от ыйын 19 күнүттэн саҕалаабыттара.
Бултаналлара хааччахтанар кыылларга – тыатааҕыга, киискэ, тайахха атырдьах ыйын 1 күнүттэн көҥүлү биэрэ олороллор. Куоракка уонна улуустарга ыытыллыбыт сэрэбиэйдэһии түмүгүнэн. Ону тэҥэ кыылы-сүөлү харыстааһыҥҥа үлэлээбит дьон атырдьах ыйын 1 күнүттэн ыла сылдьаллар.
– Куһу, мас көтөрүн, түүлээҕи бултааһыҥҥа көҥүлү биэриини “госуслуганан” туһанан күүскэ ыытыахтаахпыт. Оннук дьаһанарга СӨ Ил Дархана уонна СӨ Бырабыыталыстыбата сорудахтаабыттара. Ол иһин “госуслуга” нөҥүө сайаапка биэрии булчукка олус табыгастаах. Ону e.yakutia.ru – өрөспүүбүлүкэ судаарыстыбаннай өҥөтүн нөҥүө биэриэххитин сөп. Манан сибээстээн, Дьокуускайга сайабылыанньаны тутар хас да “түннүгү” арыйдыбыт. Ол курдук, Дьокуускайдааҕы экологияны кэтээн көрүүгэ судаарыстыбаннай кэмитиэтин дьиэтигэр (202 мкр 18/2 куорпуска), Булт хаһаайыстыбатын уонна айылҕа ураты харыстанар сирдэрин департаменыгар (Курашов уул, 30/1, 309 кэб.), Биологическай ресурсалар департаменнарыгар (Свердлов уул, 14). Булчуттар тус бэйэлэринэн кэлэн эмиэ ылыахтарын сөп. Ону тэҥэ Элбэх хайысхалаах киини кытта кэпсэтэн, куоракка Лермонтов уулусса 123 №-дээх дьиэтигэр баар Элбэх хайысхалаах киин офиһыгар иниспиэктэрдэри олордобут. Манна булчут сайабылыанньатын суруйан, тута көҥүлүн ылан барарыгар олус табыгастаах, – диэн чопчулаата СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин департаменын салайааччыны солбуйааччы Анатолий Попов.
Маны сэргэ булчуттарга табыгастаах буоларын курдук, туйахтаах кыылларга эмиэ судаарыстыбаннай өҥөнөн сэрэбиэйдэһиинэн көҥүлү биэрэ олороллор. Улуустардааҕы иниспиэксийэлэр эмиэ көҥүлү биэрэллэр.
Аны сотору кэминэн балаҕан ыйын 15 күнүттэн куобаҕы, саһылы бултааһын саҕаланара бу кэллэ.
Бултуур кэм саҕаламмытынан тыа сиригэр, хоту, куорат эҥээр даҕаны бэрэбиэркэлиир-хонтуруолуур үлэ күүһүрдүллүбүтүн умнубаккытыгар сүбэлиибит. Холобура, бу сайыҥҥы-күһүҥҥү кэмҥэ 73 эриэйдэ ыытыллыбыт. Ол түмүгэр 216 буруйу кэһии тахсыбыта бэлиэтэммит уонна 19 саа былдьаммыт. Онон булчуттар булт быраабылатын тутуһаргыт булгуччулаах.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…