Кулун тутарга «Сайдыс» диэн саҥа литературнай-иһитиннэрэр уонна публицистическай сурунаал бастакы нүөмэрэ күн сирин көрдө.
Сурунаалы Инбэлииттэр Бүтүн Арассыыйатааҕы уопсастыбаларын Саха сиринээҕи отделениета таһаарда. Саҥа таһаарыыны Саха сиринээҕи отделение бэрэссэдээтэлэ Ирина Лебедева көҕүлээбит (учредитель), кылаабынай эрэдээктэр — Ньургуйаана Скрябина.
Сурунаалы арыйаат да бэрэссэдээтэл Ирина Васильевна: “Арассыыйаҕа Дьиэ кэргэн, өрөспүүбүлүкэҕэ Оҕо саас сылларыгар биһиги сурунаалбытыгар дьоллоох дьиэ кэргэн ис кистэлэҥин, дьиэ кэргэҥҥэ оҕону иитии оруолун уонна биһиги бастыҥ ыалларбыт күннээҕи олохторуттан сырдатарга кыһаллыахпыт. Хас биирдии дьиэҕэ дьол уйаланнын, оҕо аймах үөрүүтэ баар буоллун!”, — диэн санаатын үллэстибитин билсэҕин.
Сурунаал “Кэпсэтии”, “Олоххо дьулуһуу”, “Дьиэ кэргэн”, “Кэпсээннэр”, “Хоһооннор”, “Чөл олох”, “Кэрэ эйгэтэ”, “Ырысыаптар”, «Сынньалаҥҥа» рубрикаларыгар өрөспүүбүлүкэ араас улуустарыттан ааптардар суруйуулара сурунаал киэҥ эйгэни хабыаҕын туоһулуур.
Сылга түөртэ тахсыахтаах “Сайдыс” сурунаал элбэх ааҕааччылаах, бараммат сонуннаах, туһалаах сүбэлэрдээх буола турдун, бэйэтин ааҕааччытын буллун.
Быһаарыы: Саха сиринээҕи отделение 1988 с. от ыйын 9 күнүгэр тэриллибитэ. Уопсастыбаҕа 21512 киһи баар.
Бүгүн субуота, сынньалаҥ үтүө күнэ. Ыксаабакка, сүүрбэккэ-көппөккө, дуоһуйа сынньаныҥ. Чугас дьоҥҥут аттыгар буолуҥ, сүрэххит этэрин…
Бу күннэргэ күн-дьыл туруга хайдаҕый? Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика…
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…