Хаартыска Дьокуускай куорат дьаһалтатын пресс-сулууспатыттан
Бэҕэһээ Дьокуускай куорат мээрэ Евгений Григорьев Сайсары уокуругун олохтоохторун кытары көрсөн киин куорат маастар-былаанын дьүүллэстэ.
Бу туһунан Дьокуускай куорат дьаһалтатын пресс-сулууспата иһитиннэрэр.
«Бу иннинэ куорат генеральнай былаанын туһунан билиһиннэрээри олохтоохтору кытта көрсүһэрбэт кэмиттэн кэмигэр отчуоттаан иһэр буолуом диэн эрэннэрбитим – чуолаан, маастар-былаанынан туох тутуллубутун, тутулларын уонна салгыы инники былааннар тустарынан билиһиннэрэбин. Бүгүҥҥү көрсүһүү «Азия оҕолоро» оонньууга анаан 9 ый иһигэр тутуллан үлэҕэ киирбит Ильмень аатынан уулусса баар ДЮСШ-9 саҥа успуорт саалатын тиэргэнигэр буолла. Уопсайынан, бүгүҥҥү күҥҥэ дойду Бэрэсидьиэнэ Владимир Владимирович Путин өйөөбүт Дьокуускай куорат маастар-былаанын 23 бырайыага баар. Балар бары олоххо киириилэрэ араас кэмнээх, түһүмэхтээх», — диэн кэпсээтэ мэр Евгений Григорьев.
Куорат баһылыга салгыы, чуолаан, Сайсары уокуругар Сайсары күөл кытылын тупсарыы, Саха политехническэй лиссиэй оскуолатын эбии дьиэтэ уонна доруобуйаларыгар хааччахтаах оҕолорго аналлаах адаптивнай үөрэхтээһин комплекса тутулла турарын кэпсээтэ. Чайковскай уулуссатыгар дьоҕус архитектурнай пааматынньыктары туруоруу, үс уулуссаҕа – Винокуров, Макаренко уонна Притузов аатынан уулуссаларга хапытаалынай өрөмүөн үлэтэ бара турар. Евгений Григорьев этэринэн, Сайсары уокуругун сүрүн кыһалҕатынан элбэх ахсааннаах хаарбах дьиэ баара буолар, ону салгыы көһөрүү саҥа бырагырааматынан быһаарыахтара, ол бырагыраама билиҥҥи «Хаарбах дьиэттэн көһөрүү» бырагыраамата бүттэҕинэ саҕаланыахтаах.
«Олохтоохтор куорат маастар-былаана олоххо киириитэ, өр кэмҥэ турбут кыһалҕалары быһаарарга көмөлөөҕүн бэлиэтии көрөллөрө кэрэхсэбиллээх, ол туһунан дьон бэйэлэрин санааларын мунньахха эттилэр: хаарбах дьиэттэн көһөрүү, оскуола аттыгар массыынаны туруорар миэстэ суоҕа, суол үлэһиттэрэ бытааннык үлэлииллэрэ, оптуобустар кыраапыгы тутуспаттара. Көтөҕүллүбүт боппуруостар салгыы быһаарарга боротокуолга киирдилэр. Маннык көрсүһүүлэр куорат атын уокуруктарыгар салҕанан барыахтара», — диэн куорат баһылыга санаатын үллэһиннэ.
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…
Ханнык баҕарар киһи элбэх харчылаах буолуон баҕарар. Ол эрээри, биһиги ортобутугар баай, харчыны чэпчэкитик оҥорор…