Хаартыска: Дьокуускай куорат дьаһалтата.
Сайсары күөл хомуһун охсон, хомуйан эрэллэр. Экология, айылҕа харыстабылын, ойуур хаһаайыстыбатын министиэристибэтэ Дьокуускай куорат дьаһалтатын кытта Сайсары күөл хомуһун охсор, хомуйар аахсыйаны тэрийдилэр. Аахсыйа аан дойдутааҕы уу ресурсатын күнүгэр ананар.
Кулун тутар 25 күнүгэр куорат уокуруктара, «Якутдорстрой», «Жилкомсервис» тэрилтэлэр субуотунньуктаатылар. Үс «погрузчик» массыына, тыраахтар уонна 7 самосвал үлэлээтилэр.
— Сайсары күөлгэ хомуһу охсуу сааскы санитарнай ыраастаныы чэрчитинэн ыытыллар. Күөл кытылынааҕы хомус барыта хомуллуоҕа. Онон куорат олохтоохторо күөл кытылынан дьаарбайалларыгар кэрэ көстүүлэртэн дуоһуйуохтара, — диэн территориялары кытта үлэлиир департамент салайааччыта Светлана Кармадонова бэлиэтээтэ.
Аан дойдутааҕы уу ресурсатын күнэ сыл аайы 1992 сылтан кулун тутар 22 күнүгэр бэлиэтэнэр. Аан дойдуга уу саппааһын харыстыыр, уопсастыбаннас болҕомтотун тардар сыалтан араас тэрээһиннэр ыытыллаллар. Арассыыйаҕа бу күн «Уу — олох төрдө» девиһинэн 1995 сылтан ыытыллар.
Бүгүн Өймөкөөн улууһугар Томторго кэтэһиилээх "Тымныы полюһа - 2025" бэстибээл саҕаланна. Тэрээһин түһүлгэтигэр өрөспүүбүлүкэттэн уонна…
Юрий Трутнев Саха сирин оҕотун Саҥа дьыллааҕы баҕа санаатын толордо. Саҥа дьыллааҕы харыйаҕа оҕолор баҕа…
Москва Хамовническай суута Арассыыйа норуодунай артыыһа Лариса Долина кыбартыыратын атыытыгар илии охсуһуутун дьиҥэ суоҕунан ааҕар…
Биир сааскы ылааҥы күн, кулун тутар 18 күнүгэр, Өксөкүлээх Өлөксөй аатынан норуоттар доҕордоһууларын дьиэтигэр "20…
Кулуһун оттон чэйи оргутуу - "Аҕа күрэҕин" биир саамай тыҥааһыннаах, киһини эрэ барытын ыксатар күүрээннээх…