Дьокуускайга Сайсары күөлтэн 20 саастаах уол өлүгүн таһаардылар

Бөлүүн, ыам ыйын 24 күнүгэр, ыксаллаах быһыы-майгы сулууспа быыһааччылара киин куорат Сайсары Күөлүттэн 2004 сыллаах төрүөх уол өлүгүн таһаардылар.

Эдэр киһи рюкзакка таастары уктан тимирбитэ билиннэ. Уол муоста ортотуттан ыстаммыт. Муоста анныгар олорбут ыччат хампаанньата уу чааллыыр тыаһын эрэ истэн хаалбыттар. 112 нүөмэргэ тыллабыр түүн 1:09 чааска киирбит.

Дьуһуурунай сулууспа үлэһиттэрэ быһылаан тахсыбыт сиригэр 15 мүнүүтэнэн тиийбиттэр эрээри, уолу быыһаабатахтар. Дьыаланы полиция силиэстийэлиир диэн Саха сиринээҕи быыһыр сулууспа пресс-сулууспата иһитиннэрэр.