“Сайсарыга” билигин сыана хайдаҕый?

Сибиэһэй балыгы мииннээн иһэртэн ордук туох кэлиэй. Бэл, собо миинин истэххэ үчүгэйдик утуйаҕын дииллэр.

Дьокуускайга «Сайсары» бааһынай ырыынагар Кэбээйи сибиэһэй собото атыыланар. Собо сыаната ыараабыта — 380 солкуобай.

Собо сыанатын дьэдьэн сыаната куоһарар. Дьэдьэни барыанньалаабакка, саахарга булкуйан, киилэтин 5 тыһыынчаҕа батараллар. Барыанньатааҕар амтана ордук дииллэр.

Моруоска киилэтэ — 3000 солкуобай. 3 киилэлээх истикилээҥкэҕэ кутуллубут моонньоҕону 1800 солк. атыылаатылар.

Онон быйаҥнаах сайын сатыылаан, атыыһыттар сэргэхсийбиттэр.