«Сайсарыга» эт сыаната түстэ дуо?
Бу күннэргэ олохтоох ас-үөл сыанатын көрө, баҕар атыылаһа таарыйа диэн, «Сайсары» ырыынакка бара сырыттыбыт. Сарсыарда буолан, дьон олох аҕыйах.
Эт, балык, отон арааһа үгүс. Ынах кутуругуттан саҕалаан куобахха тиийэ атыыланар. Куобаҕы сыанатын быйыл 2 тыһыынча солкуобайынан быспыттар. Куорат дьоно хото атыылаһаллар дииллэр эргиэмсиктэр.
Убаһа этэ бу күһүн 2 тыһ. солк. тиийэ сылдьыбыта, билигин идэһэ кэмэ саҕаланан, сыаната арыый түспүккэ дылы. 800 солк. саҕалаан 1800 солкуобайга диэри атыыланар. Убаһа хаана 1800-2000 солк., хатта киилэтэ 1500 солк.
Ынах этин сыаната эмиэ араастаһар. 650 солк. саҕалаан 1000 солк. тиийэр.
Сибиэһэй таба этин атыыга таһаарбыттар. Анаабыртан аҕаллыбыт диэннэр киилэтин 450-800 солк. атыылыыллар.
Кэбээйи собото саамай улахана уонна сыаналааҕа — 400 солк. Чэпчээбитэ 250 солк.
Сообщить об опечатке
Текст, который будет отправлен нашим редакторам: