Хаартыска Дьокуускай куорат дьаһалтатын пресс-сулууспатыттан
Олорор сир-уот тупсарын, киэркэйэрин, сайдарын, олох ирдэбилигэр толору эппиэттиир кыахтанарын ким барыта долгуйа күүтэр. Онуоха «Уһук Илиҥҥэ 1000 тиэргэн» федеральнай бырагырааманан үлэ тиһиктээхтик салҕанара сүргэни көтөҕөр.
Быйыл Дьокуускайга Сайсары уокуругар Чайковскай уулусса 30/1 уонна 30/2 аадырыстарга тупсаран оҥоруу уонна элбэх кыбартыыралаах дьиэлэр тиэргэннэригэр өрөмүөн үлэтин саҕалыахтара. Бу туһунан Дьокуускай куорат дьаһалтатын пресс-сулууспата иһитиннэрэр.
Үөрүүлээх сонуну олохтоохторго «Тиэргэн бырааһынньыгын» тэрээһинигэр Сайсары уокуругун Управатын баһылыга Владимир Слепцов иһитиннэрдэ. Ыйыллыбыт дьиэлэр олохтоохторо дизайн-бырайыагы оҥорууга көхтөөх кыттыыны ылбыттарыгар махтанна. Маны сэргэ, Дьокуускай куорат баһылыгын Евгений Григорьев аатыттан Кеша Алексеев 12/2 аадырыһыгар турар икки мэндиэмэннээх мас дьиэ ыстаарыстатыгар Нэлли Васильевна Сугонякинаҕа олорор түөлбэтин сайыннарыыга кыһамньылаах үлэтин бэлиэтээн туран махтал суругу туттарда.
Төрөппүттэргэ, оҕолорго туһаайан 25 №-дээх оскуола дириэктэрэ Иван Захаров сайыны туһалаахтык атааралларыгар баҕарда.
«Бүгүҥҥү тэрээһиҥҥэ 20-с уонна 25-с №-дээх оскуолалар үөрэнээччилэрэ кэлбиттэрин көрөбүн. Оҕолор, сайыҥҥы күнтэн күүс-уох ылаҥҥыт, астына-дуоһуйа сынньанаҥҥыт аны күһүн үөрэх дьылын үөрэ-көтө көрсөргүтүгэр баҕарабын«, — диэтэ кини уонна «Тиэргэн бырааһынньыгын» тэрийээччилэргэ махтанна. Салгыы 18-с №-дээх оскуола баһаатайдара оҕолорго көрдөөх, сүүрүүлээх-көтүүлээх оонньуулары оонньоттулар.
Дьон-сэргэ Сайсары уокуругар тупсарыы үлэ ыытылларыттан улаханнык үөрэн, сэргэхсийэн тарҕастылар.
СӨ урбааҥҥа, эргиэҥҥэ уонна туризмҥа миниистирэ Георгий Андреев бүгүн, ахсынньы 23 күнүгэр, СӨ Ил Дарханын…
Быйыл ахсынньы 15 күнүгэр саха литературатын төрүттээччилэртэн эдэрдэрэ, сахалыы комедия жанрын олохтообут драматург, саха уонна…
Үүнэр сылга социальнай эйгэҕэ саҥа көмө миэрэлэрэ киириэхтэрэ уонна босуобуйалар, төлөбүрдэр суумалара индексацияланан, үрдүөҕэ. Тоҕо…
“Инникигэ хардыы” эдэр чинчийээччилэр өрөспүүбүлүкэтээҕи билим кэмпириэнсийэ-куонкурустара 1996 сылтан ыытыллар. Үбүлүөйдээх 30-с тэрээһин тохсунньу 12-14…
Саха Өрөспүүбүлүкэтин Судаарыстыбаннай Мунньаҕын (Ил Түмэнин) уон алтыс ыҥырыылаах пленарнай мунньаҕа саҕаланна. Пленарнай мунньах ахсынньы…
Кыһын, ахсынньыттан олунньуга диэри, Саха сиригэр кыстыыр көтөрдөргө саамай ыарахан кэмнэр буолаллар эбит. Ол туһунан…