Сайылык күнэ: быыстапка, кэнсиэр, оһуохай

Дьокуускайга ыам ыйын 24 күнүгэр Сайылык күнэ бэлиэтэниэ. Киин куорат олохтоохторугар уонна ыалдьыттарыгар анаан киэҥ далааһыннаах бырааһынньык бырагырааматын бэлэмнээтилэр.

Орджоникидзе аатынан болуоссакка 12.00-17.00 чааска олохтоох бородууксуйа дьаарбаҥката уонна саха национальнай таҥаһын быыстапката аһыллыаҕа. Ону тэҥэ араас национальнай оонньуулар, куонкурустар, оҕолорго маастар-кылаастар ыытыллыахтара, диэн СИА иһитиннэрэр.

Саха стилистикатынан фотозона уонна саха ынаҕын быыстапката тэриллиэҕэ. Күн ортото самодеятельнай кэлэктииптэр кыттыылаах кэнсиэр бырагыраамата саҕаланыа. Күнүс 13:30 чаастан күн көрсүүүтүн төрүт үгэстэрин көрдөрүөхтэрэ. 15 чаастан Саха эстрадатын сулустара ыылыахтара.

Бырааһынньык 16:30 чааска оһуохайынан түмүктэниэ. Эргэ куорат территориятыгар 12:00-18:00 чааска диэри олохтоох бородууксуйаны атыылааһын быыстапката үлэлиэҕэ.