Сайылык күнүн көрсө бэртээхэй тэрээһин ыытыллар
![](https://sakha-sire.ru/wp-content/uploads/2023/05/dsc04212-e1621641481285-1280x720-1-1060x596.jpg)
Ил Дархан Айсен Николаев 2018 сыл сэтинньи 6 күнүгэр Саха Өрөспүүбүлүкэтигэр ыам ыйын 22 күнүгэр Сайылык күнүн бэлиэтиир туһунан ыйааҕы таһаарбыта.
Бүгүн, ыам ыйын 21 күнүгэр, «Сайылык күнүн көрсө!» диэн тэрээһин Дьокуускайга Орджоникидзе болуоссатыгар ыытыллар.
Ол курдук, 13 чаастан 17 чааска диэри олохтоох ас-үөл дьаарбаҥката, саха таҥаһын быыстапката, атыыта тэриллиэҕэ.
13 чаастан 16 чааска диэри «Саха төрүт оонньуулара» бырагырааманан араас оонньуулар, күрэстэр уонна “Байанай түһүлгэтэ” булчуттар күрэстэрэ тэриллиэхтэрэ.
“Сайылык” түһүлгэҕэ саха балаҕанын курдук оҥоһуллубут хаартыскаҕа түһэр сир, кинигэ быыстапката баар буолуохтара. Оҕолорго анаан маастар-кылаастар ыытыллыахтара.
«Сайылык күнүн көрсө!» сүрүн түһүлгэҕэ күнүс 13 чаастан айар кэлэктииптэр кыттыылаах кэнсиэр буолуоҕа. 14 аҥаар чаастан «Күөххэ үктэнии» диэн сайыны көрсүү сиэрэ-туома оҥоһуллуоҕа.
Күнүс 15 чаастан саха эстрадатын сулустара кыттыылаах кэнсиэргэ көрөөччүлэр түмсүөхтэрэ.
Сообщить об опечатке
Текст, который будет отправлен нашим редакторам: