Артур Егоров хаартыскаҕа түһэриитэ
Горнай улууһугар Мытаахха «Дьиикимдэ дьээбэлэрэ» көр-күлүү народнай мини-тыйаатырын артыыската Диана Максимова — Сайылык кыыһа Бэлэс Мэтэкэ Хотун үбүлүөйдээх сааһынан тэриллибит «Сайылык кыыһын үөрүүтэ» тэрээһин олус сэргэхтик буолан ааста.
Дьон-сэргэ сөбүлүүр артыыстарын бу күн сценаҕа көрөөрү ыраахтан-чугастан муһуннулар. Ол курдук, Бэрдьигэстээхтэн, Мэҥэ Хаҥаластан, Дьокуускайтан тиийэ кэлбиттэр. Дьиикимдэ олохтоохторо Егоровтар санааларын үллэһиннилэр.
—“Сайылык кыыһын үөрүүтэ” дьоро киэһэҕэ анаан-минээн дьиэ кэргэнинэн бары сырыттыбыт. Астынныбыт, дуоһуйа сынньанныбыт. Сайылык кыыһа сэмэй майгытынан, истиҥ, элэккэй сыһыанынан дьоҥҥо наһаа сөбүлэтэр. Өссө көр-күлүү жанра улууска, өрөспүүбүлүкэҕэ сайдарыгар улахан өҥөлөөх. Кини сценаҕа тахсарын, барыбытын күллэрэрин-үөрдэрин куруук күүтэбит. Бу дьоро киэһээ кинини көрөөрү, истээри ыраахтан-чугастан элбэх киһи кэлбитэ да ону туоһулуур. Түгэнинэн туһанан, Диана Максимоваҕа санаабытыҥ барыта сатанан, айылҕаттан бэриллибит дьоҕуруҥ өссө чочуллан, аартыктарыҥ арыллан, кэҥээн иһэллэригэр баҕарабыт.
Ити курдук, көрөөччүлэр улаханнык астынан, дуоһуйа сынньанан тарҕастылар.
Артур Егоров суруйуута уонна хаартыскалара,
Мытаах, Горнай.
Таатта улууһун Оһуокай түмсүүтүн салайааччыта И.Ф.Иванов тэрээһининэн үһүс сылын ыытыллар Оһуокай күрэҕэ буолла. Күрэҕи СӨ…
Бүгүн, муус устар 19 күнүгэр, өрөспүүбүлүкэ хотугулуу-арҕаа, хоту өттүгэр кыралаан хаардыаҕа, сорох сиринэн инчэҕэй хаар…
Муус устар саҥатыгар ИДьМ дьуһуурунай чааһыгар Хаҥалас оройуонугар Улахан Ааҥҥа чааһынай дьиэ умайбытын туһунан иһитиннэрии…
“Мин санаам бары салаалара салҕанан барыахтарын баҕарабын...” (“Пусть нити моих мыслей продолжаются...”). Бу П.А.Ойуунускай аатынан…
П.И. Дудин аатынан Дьокуускайдааҕы сибээс уонна информационнай технология кэллиэһин баазатыгар космическай кэтээн көрүү дааннайдарын уонна…
Муус устар 12-18 күннэригэр Дьокуускай куоракка физкултуураҕа Бүтүн Арассыыйатааҕы үөрэнээччилэр олимпиадаларын түмүктүүр түһүмэҕэ буолан ааста.…