«Сайылык» онлайн-бэстибээл мета-куйаарга саха төрүт култууратын көрдөрүө

 Erid: 2SDnjduRUSK

Ахсынньы 1–21 күннэригэр мета-куйаарга «Сайылык» онлайн-бэстибээл  ыытыллыаҕа. Манна көрөөччүлэр Саха сирин ускуустубатын, киинэтин, муусукатын уонна үөрэҕириигэ бырайыактарын кытары билсиэхтэрин сөп. Тэрийээччи – Drivee өйөбүлүнэн «Синет Спарк» аһымал пуонда.

Саха киһитэ сайыҥҥы сирин-уотун моһуонунан оҥоһуллубут виртуальнай эйгэҕэ туох барыта анал хайысхалаах: ураһа – үөрэх, балаҕан – киинэ, күөл – муусука, кэбиһиилээх от уонна булуус – ускуустуба.

Булуус уонна кэбиһиилээх от – ускуустуба

Кэбиһиилээх от нөҥүө уус-уран галереяҕа баар буолуохха сөп. Оттон куйаас да күн тымныынан аргыйар булууска ыал ытык мала – «Эбээ ыскааба» баар. Бу нөҥүө аныгы кэм ойууһуттарын – Надежда Комиссарова, Йэн Сур, Мария Острелина, Николай Чоччасов, Айсен Дойду, Марианна Лукина, Ольга Скорикова, Туллук, Кыһыҥҥы Ойуур, Сардаана Иванова, Устинья Догордурова, Борис Осипов үлэлэрин көрүөххэ сөп.

Балаҕан – киинэ

Балаҕаҥҥа биллэр режиссердар Арассыыйаҕа эрэ буолбакка, аан дойдуга тиийэ көрөөччү уонна кириитикэ билиниитин ылбыт, саха омук хайдаҕын, устуоруйатын, олоҕун дьаһаҕын көрдөрөр киинэлэрин көрүөххэ сөп.

• «Кини кыыһа» (Татьяна Эверстова),
• «Кэрэни көрбүт» (Любовь Борисова),
• «Дьөһөгөй Айыы» (Сергей Потапов),
• «Тойон кыыл» (Эдуард Новиков),
• «Сайылык» (Анатолий Васильев),
• «Орто дойду» (Алексей Романов),
• «Таайымаҥ тапталы» (Михаил Лукачевскай),
• «Оҕо куйуурдуу турара» (Прокопий Ноговицын),
• «Сүппүт суруктар» (Кыһыҥҥы Ойуур).

Күөл – муусука

Күөл чуумпу ньууругар бигэнэн саха төрүт ырыатыттан тойуктан саҕалаан аныгы электроникаҕа тиийэ муусука алыптаах эйгэтигэр киирэҕин. Онно сирдииллэр: Айархаан, Кыл Саха, Сергей Зверев-Кыыл Уола, Марина Попова, Uraan, Анфиса Авелова, Чолбон, Elements of Dust, ORDO, Спиридон Шишигин хомуһун дьүрүскэнэ.

Ураһа – үөрэх

Ураһаҕа баар мал-сал бэйэлэрин тустарынан «кэпсииллэр». Лекторийга саха омук чулуу айымньытын олоҥхо туһунан ырытыыны истиэххэ сөп. «Айар дьон» подкаста истээччини ускуустуба саҥа ааттарын, чинчийээччилэрин кытары билиһиннэриэҕэ.

Буолар кэмэ: Ахсынньы 1–21 күннэрэ.

Формат: онлайн, мета-куйаар.

Кыттыы: босхо.

Партнердар:

• Drivee – анал партнер;
• Tymtyk – креативнай партнер;
• Ykt.Ru – көрдөрөр-иһитиннэрэр партнер;
• Мастера-Сибири – көрдөрөр-иһитиннэрэр партнер;
• СӨ Национальнай библиотеката – үөрэх программатын партнера.

Реклама. БФ «Синет Спарк (Искра)». ИНН 1435351775