Хаартыска: Доруобуйа харыстабылын министиэристибэтэ
Статистика көрдөрөрүнэн, оҕолор эчэйиилэрэ сайыҥҥы кэмҥэ элбиир. Ол биир төрүөтүнэн оҕолор үксүгэр сөптөөх көрүүтэ-истиитэ суох бэйэлэрэ хаалаллара буолар.
М.Е.Николаев аатынан Мэдиссиинэ национальнай киинин-Өрөспүүбүлүкэтээҕи 1 №-дээх балыыһа оҕо травпууна иһитиннэрэринэн, сайыҥҥы кэмҥэ 120-130-ча оҕо тугун эмэ өлөрөн көрдөрөрүттэн күн аайы 3-5 оҕо хирургия балыыһатыгар эмтэнэ киирэр.
Оҕолор эчэйиилэрин сэрэтии биир көрүҥүнэн кинилэргэ сайыҥҥы тэрээһиннээх сынньалаҥы хааччыйыы буолар. Маннык сирдэргэ оҕолор улахан дьон көрүүтүгэр, араас тэрээһиннэргэ, дьарыктарга сылдьаллар. Онон, сайын төһө кыалларынан, оҕолору бэйэлэрин эрэ уулуссаҕа ыыппат ордук.
«Сайыҥҥы кэмҥэ ордук араас тырааныспарга, ордук обургу оҕолор ортолоругар, эчэйии элбиир. Кэнники кэмнэргэ оҕо травматологтара самокаттарга эчэйии элбээбитин бэлиэтииллэр. Самокат оонньуур буолбатах. Оҕо самокатынан тырааныспар айанныыр суолугар таҕыстаҕына, бэйэтин кыайан салайымматын кэриэтэ. Самокаты сыыһа туттуу олус улахан содуллаах буолуон сөп», -– диэн диэн Доруобуйа харыстабылын министиэристибэтин штаты таһынан оҕо хирура, м.н.д. Валентина Алексеевна Саввина иһитиннэрэр.
Ити курдук, оҕо эчэйэр түбэлтэтин төрүөтүнэн үксүгэр улахан дьон, төрөппүттэр болҕомтото суохтара буолар. Ол иһин, оҕолор эчэйэн балыыһаҕа көрдөрө кэлэллэригэр мэдиссиинэ үлэһиттэрэ оҕо туругун туһунан иһитиннэриини уонна төрөппүттэр хантаактарын быраабы араҥаччылыыр уорганнарга тириэрдэр эбээһинэстээхтэр.
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…
Ыалдьыты былыр үөрэ-көтө айдааран көрсүбэттэр этэ. Хайдах киһи дьиэҕэ киирбитин дьиэлээх тойон ороҥҥо сытан тута…
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…