Сакааһы кытта тэҥҥэ чаевойу төлөөһүнү дьон биһириэҕэ

ПСБ эрэстэрээн биисинэһигэр счеттары уонна чаевойдары биир транзакциянан төлөөһүнү киллэрдэ.

ПСБ эрэстэрээннэргэ уонна кафеларга анаан оҥоһуллубут кэлимсэ төлөөһүн чэрчитинэн төлүүр терминалынан сакаастары уонна чаевойдары, аһатар сиргэ бэчээттэммит носителинэн (печатный носитель) QR-кодунан эбэтэр аһы тиэрдэргэ саайтынанкиирэн онлайн нөҥүө биирдэ төлөөһүнү киллэрдэ.

“Эрэстэрээннэр уонна кафелар ыалдьыттара үксүгэр уу харчынан төлөөбөт буолан, бэйэлэрин кытта харчыны илдьэ сылдьыбаттар, ол иһин официаҥҥа үчүгэйдик хааччыйбытын иһин махтанан манньа (чаевой) хаалларарга уу харчыта суох төлөөһүн киэҥник тэнийэн эрэр. Хааччыйыы ырыынагар сакааһы кытта тэҥҥэ чаевойу төлөөһүнү дьон биһириэҕэ. Партнердарбытын кытта сервиһи тестээһин түмүгүнэн көрдөххө кинилэр электроннай чаевойдар кээмэйдэрэ үс төгүл улааппытын бэлиэтээтилэр, ол маннык быһаарыыны ылыныы табыгастааҕын уонна көдьүүстээҕин кэрэһилиир”, — диэтэ Никита Хомутов, ПСБ вице-бэрэсидьиэнэ, эквайринг департаменын дириэктэрэ.  

Ыалдьыттар аҕыйах сөкүүндэнэн төлөһүөхтэрэ, үлэһиттэр эбии дохуоту ылыахтара. Оттон биисинэс чаевойунан статистиканы ырытыыга, QR-кодунан төлүүллэригэр хаалларар баҕа санааларыгар олоҕуран хампаанньа үлэтин тупсарыаҕа, ону тэҥэ килийиэннэри кытта үлэлээһини тупсаран куруук кэлэн аһыыр дьон ахсаанын элбэтиэҕэ.  

ПСБ Android операционнай ситиминэн үлэлиир аныгы уонна тупсаҕай POS-терминаллары туруорар. Маныаха холбонор POS-терминаллар эрэстэрээннэргэ уонна кафеларга автоматизация ситимнэрин кытта холбоннулар, ол аһатар заведение үлэһиттэрин кыттыыта суох чектэри таһаарар уонна тута пречектарга төлүүргэ   QR-коды бэчээттииргэ көмөлөөх.

Сакааһы онлайн-төлөөһүн олохтоммут ньымата уонна чаевойдары ыытыы аһылыгы бэйэлэрэ тиэрдэр заведениеларга олус туһалаахтар. ПСБ контеннары салайыы киэҥник тэнийбит ситимнэрин кытта бииргэ үлэлээһини хааччыйар, холобура, аһылыгы тиэрдиигэ анаммыт саайтар үлэлэригэр уонна каассаҕа сыһыаннаах боппуруостарга,ол тиэрдэн биэрэр саайтынан ыытыллыбыт онлайн-фискализация өттүгэр биисинэс ирдэбилигэр толору сөп түбэһэр. Ону тэҥэ хас биирдии сакааһынан киирбит үп-харчы быһалыы эрэстэрээн уонна курьер иккиардыгар түҥэтиллэр.  

Автоматизацияҕа толору киириэн баҕарбат эрэстэрээннэргэ табыгастаах тэрил – төлүүр QR-кодтары пречеккэ уонна бэчээттиир носителлэргэ киллэрии, холобура, визитканы, наклейканы, плакаты, тейбл-теннэри уонна атын табыгастаах ньымалары.

Эрэстэрээни эбэтэр кафены бас билээччи ханнык баҕарар төлөтөр ньыманы ылыммытын иһин, кини үлэһиттэрин уонна салайар заведениетын статистикатын личнэй кэбиниэтинэн көрөр кыахтаах. Салайааччы эбэтэр администратор  QR-кодыгенерациялыан, үлэһиттэр испииһэктэрин чопчулуон уонна үлэһиттэргэ барыларыгар эбэтэр араастаан чаевойдары үллэриини олохтуон сөп.