Хаартыска - СӨ Аҕа баһылыгын уонна Бырабыыталыстыбатын пресс-сулууспата
«Sakha Arctic Expedition 2023» массыынанан уустук айан эспэдииссийэтэ түмүктэннэ.
СӨ Аҕа баһылыгын уонна Бырабыыталыстыбатын пресс-сулууспата иһитинэрбитинэн, кулун тутар 13 күнүттэн муус устар 1 күнүгэр диэри өрөспүүбүлүкэ арктическай улуустарынан сылдьыбыт айанньыттар 4 848 км сири айаннаатылар. Айанньыттар «Toyota Land Cruiser» уонна «Газ-Соболь» массыыналарынан сырыттылар.
Бүгүн, муус устар 11 күнүгэр, «Sakha Arctic Expedition 2023» эспэдииссийэ кыттыылаахтара суруналыыстары кытта көрүстүлэр. Айанньыттар арктическай туризм сайдар кыаҕын үөрэппиттэрин, туох матырыйааллары хомуйбуттарын билиһиннэрдилэр. Кинилэр олохтоох бэйэни салайыныы уорганнарын бэрэстэбиитэллэрин, урбаанньыттары кытта көрсөн туризмҥа сыһыаннаах боппуруостары ырыттылар, дьүүллэстилэр, араас тэрээһиннэргэ кыттыыны ыллылар. Ол курдук, ыалдьыттары көрсүү уонна туриндустрия ассоциациялара, туризм сайдыытын ааҕыныстыбата уонна предпринимательство министиэристибэтэ улуустарга туризм салаатын сайыннарыыга бэйэлэрин этиилэрин, анаарыыларын ыытыахтара. Бырайыак уратыта – айанньыттар икки хотугу уонна түөрт арктическай улуустарынан сылдьан, Верхоянскай уонна Черскэй хайаларын уонна Сунтаар Хайатын уҥуордаабыттара буолар. Айаннарын тухары Өлүөнэ, Индигиир, Дьааҥы өрүстэри туоруу сырыттылар.
«Sakha Arctic Expedition 2023» массыынанан айан эспэдииссийэтин СӨ Предпринимательство уонна туризм сайдыытын министиэристибэтин өйөбүлүнэн Туризм сайдыытын ааҕыныстыбата, Саха сирин туриндустриятын ассоциацията, «Опора России» ЯРО тэрийбиттэрэ.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…