«Sakha Arctic Expedition 2023» эспэдииссийэ Арктика улуустарын устун айанныаҕа

«Sakha Arctic Expedition 2023» эспэдииссийэ Арктика улуустарын устун айанныаҕа

13.03.2023, 19:05
Хаартыска - Туризм сайдыытын агенствота.
Бөлөххө киир:

Бүгүн, кулун тутар 13 күнүгэр, «Sakha Arctic Expedition 2023» эспэдииссийэ ыраах  айаҥҥа турунна.

Айанньыттар «Газ-Соболь»  уонна «Тойота-Крузер» массыыналарынан Томпо улууһун Хаандыгатыгар тиийиэхтэрэ. Аара айаннаан иһэн, кинилэр Таатта Баайаҕатыгар этнологическай музейнай комплекска норуот маастара  Мандар Ууска сылдьан, тимир уустарын маастар-кылаастарыгар дьарыктаныахтара.

Айан уһуна — 4 848 километр. Эспэдииссийэ сүрүн соруга — тымныытынан аатырар икки улууһу: Өймөкөөнү уонна Дьааҥыны ситимниэҕэ, Арктикаҕа туризм сайдыытын үөрэтиэхтэрэ, урбаанньыттары кытта үлэлэһиэхтэрэ, айаннарын уонна төрүт омуктар тустарынан видеонан уонна хаартысканан матырыйааллары хомуйуохтара.

Айанньыттар икки хотугу, түөрт арктическай улуустарга сылдьыахтара. Өлүөнэ, Индигирка, Яна өрүстэри туоруохтара, ойуурунан уонна туундаранан айанныахтара. Бу улуустар араас тэрээһиннэригэр кыттыыны ылыахтара.

Массыынанан айаны СӨ Урбааҥҥа, эргиэҥҥэ уонна туризмҥа, Арктика сайдыытын уонна Хотугу норуоттар дьыалаларын министиэристибэлэрэ өйөөтүлэр.

Айан туһунан сиһилии https://www.inyakutia.ru/tours/avtotury/avtoprobeg-dva-polyusa-kholoda/ уонна https://www.iridium360.ru/guest/journey/ef1e491a ааҕыҥ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 28°C
  • Ощущается: 28°Влажность: 42% Скорость ветра: 4 м/с

Сообщить об опечатке

Текст, который будет отправлен нашим редакторам: