sakha-sire.ru саайты ааҕар дьон ахсаана улаатта

2022 сыллаахха  «Саха сирэ» хаһыат  sakha-sire.ru саайта үлэтин саҕалаабыта. Онон «Саха сирэ» эрэдээксийэтэ билигин хаһыат таһаарарын таһынан икки саайты — edersaas.ru уонна sakha-sire.ru саайтары  үлэлэтэр.

Кэрэспэдьиэннэр күннээҕи сонуннары таһынан интервьюлары, сүбэлэри-амалары, ыйытыыларга хоруйдары, интэриэһинэй хаартыскалары, видеолары, ааҕааччыларбыт суруктарын тиһигин быспакка таһаараллар.

«Саха сирэ» хаһыат саайтыгар тахсар сонуннары дьон-сэргэ кэтэһэр, ыйыталаһар. Маныаха ый ахсын ааҕыы хайдаҕа, тугу ордук сэргииллэрэ, сэҥээрэллэрэ көрүллэр. Ааспыт сыл сэтинньи ыйыттан саҕалаан саайты ый ахсын мөлүйүөнтэн тахсата көрөр буоллулар. Бу сахалыы тыллаах саайтартан бастыҥ көрдөрүү.

Александр Тарасов, «Саха сирэ» хаһыат, sakha-sire.ru  саайт кылаабынай эрэдээктэрэ:

— Эрэдээксийэбит иһинэн “Саха сирэ” уонна “Эдэр саас” диэн саайтардаахпыт. Санатар буоллахха, “Эдэр саас”  Саха сиригэр сахалыы тылынан  бастакынан тахсыбыт саайт буолар.

“Саха сирэ” саайпыт “Саха сирэ” хаһыат эрэдээксийэтин билиҥҥи кэлэктиибин дьаныардаах үлэтинэн Саха сиригэр биир бастыҥ көрдөрүүлээх саайтынан буолла. Ыйдааҕы көрдөрүүбүт 1 мөл. тиийдэ. Саайтка өрөспүүбүлүкэбит туһунан араас  хабааннаах суруйууларбытын (ырытыылары, суһал иһитиннэриилэри, сэргэх интервьюларбытын…)   дьон-сэргэ сэргээн ааҕар, көрөр-истэр. Кэлиҥҥи кэмҥэ эдэр көлүөнэ дьон көрөр, ааҕар буолбута биһигини барыбытын үөрдэр.

Түгэнинэн туһанан, барыгытын Национальнай бэчээт күнүнэн ис сүрэхпиттэн эҕэрдэлиибин.

Радик Сабиров,  “Татмедиа” АУо  “Шахри Казан хаһыат” филиалын салайааччыта:

— Биһиги телеграмҥа, Вконтакте сурутааччыларбытын  кытта үлэ түмүгэр 38000 сумҥа тиийэ ааҕыстыбыт.  Мин күннэтэ куйаар ситиминэн национальнай өрөспүүбүлүкэлэр саайтарын көрөбүн.  Онно  sakha-sire.ru  саайты көрөн, күннээҕи, ыйдааҕы  көрдөрүүтүн  элбэҕин сөҕөбүн.